24’ê kanunî 1978 qirkerdişê Gurgumî virazîya. Verê qirkerdişê Gurgumî , Meletî, Çurum, Erzîngan, Sêwaz de provokasyon despê bi. Nê şaristanan de provokasyonî nêtepiştî. Nayra cayê provokasyonê Gurgum veçîna. Verê qirkerdişî serekê MHPe Alparslan Tukeş zaf cayan ra bi qalîkerdişê xo ra mesajê qirkerdişî daynê.
Yew hewte verê qirkerdişê Gurgumî ra, bi zafin ra taxe taxê ke elewî û sorişî, demokratî cuyayîş benê. Nê taxan û semtan de tayê mêrdimî xo wezîfedar danê sinasnayîş hesaban ra hûmaritişê nûfisî kerdê, tayinî zî vatê ma wezîfedarê PTT yê. Nê şexsî yew bi yew keyan tespît kenê, nê keyan ra xize ancenê sewbîna hîrê hîlala rey de nişan kenê. Keye yo ke xizi kerda pêro keyeyê elewî û şorişanê.
Bi verên ra provokasyon sînemeya Çîçek de despê beno. Komela Ciwanê Faşîstan (UGD) yew filime kaydanê sinemaya çîçekî de, nameyê fîlm zî Roj Çi Wext Akeweno. 16’ê kanunî de nê fîlme danê temaşe. 19’ê kanunî de wexto ke nê fîlme kay kena, saet heşti de bê tesir yew bombe teqena û provokasyon keweno dewre.
Sînema mîyan de yew kome dirûşmeya fînena misliman Tirkîya, nijadperest Tirkîya, komunîstî şîrê Moskowa, Başbug Turkeş. Îdiaya nê kome vana eştişê bomba şorişan eşta sînema. Nê hewa zî tahrîk virazîyeno ayê ke sînema de û sewbîna kesan zî pîya gala bînaya CHP û PTT kenê. Polîs nê provokasyonî ca keno kamî bomba eşta fista sînema tespît keno. Tayê mêrdiman gêynê binciman, la belê esil peyê nê provokasyonî de Okeş Kenger eşkera beno.
20’ê kanunî de şani de erey taxa ke elewî û demokratî roşenê, şanê taxa kiratxaneyê newî yê Akinî de yew teqnayîş virazîyeno di kesî birîndar benê. Sewbîna erey zî, nay ra yew bomba fiştişê keyê faşîstî Gungur Gencay beno. Eynî şew zî 1978 21’ê kanunî de lîseya Gurgumî de mamoste Haci Çolak Mustafa Yuzbaşioglu wexto ke mekteb ra şono keye rayira kişîyeno. No mamoste zî şorişker o, mamostî hewananê xestexane badî zî mamoste dinya xo bedilneno.
Cenazeya mamoste verba lîseya Gurgumî de 5000 hezar kesî meşe virazenê heya camîya Ulu Cami. A hînd zî ocaxa faşîstan şarî tahrik kenê, vanê; komunîstî enka gala Ulu Camî kenê. Heme cara dewaran ra, navçeyan ra mêrdimî top kerdî û muftîyê Gurgumî zî heme cayan ra anos keno şarî tahrîk keno. Wexto ke cenaze yena nêzdîyê camî qalabalix gala cenaze keno, cenaze bêwayir manena badî zî leşkeri cenaze gêynê benê. Nîjadperestî zî gala heme cayî kenê. Dikana, keyan, partîyan heme ca talan kenê, veşnenê. Nê galakerdişte hîrê kesî nîjadperestî mirenê.
Nîjadperstî zî planê qirkerdişî virazenê. Veng dane şarî vanê hîrê dîn kardeşê ma merdî ma cenazeya Înan hewananê. Nay ra despêya qirkerdişî virazîyena. Nê nîjadperestî taxa ke keyeyê verê xiz kerd bi gala heme ca kenê silehi rey de balte necax rey de şarî kişenê, îşkence û tecawiz kenê. Ne vanê doman, hamile, nêweş heme kesî qir kenê. Dewlete zî temaşe kena, hesaban ra nêşîyena mudaxele bikerê. Nîjadperestan zî heme rayirî girotî qefilnay.22’ê kanunî de qirkerdiş despê beno tam panc rojî qirkerdiş dom beno.
Hema zî nîjdaperestî kontrol înan desto silogana erzenê. Vanê; wa komunîstî şîrê Moskowa, Walî îstîfa, ma keleyî Wezîrê Mîyanî wazenê. O dem zî Wezîrê Mîyanî Îrfan Ozaydin o. Ozaydin zî vano; no qirkerdiş şorişa solgeran tahrik kerdo, sebep ê bî. Badî zî Wezîr Ozaydin Turkeşî ziyaret keno, Turkeşî ra vano; ma rê ardim bi wa şer qirkerdiş vindo. Turkeş zî vano: faşîstî ardimê dewlete her wext dewleti rê ardimî benê. Faşîstan heme rayirî paday nay ra dewlete nêşîyena şoro Gurgumî mîyan.
Wezîrê Weşîyey Mete Tan Turkoglu û sewbîna asayişî enî şanê Gurgum, rayirê înan birîyeno sîlehî reyde galakerdiş beno. Hînê asayiş înan rey de pêameyiş virazeno hema şîyenê ke şorê mîyanê Gurgumî. Hukûmat û Wekîlî, hema zî bînaya xo ra nêvejîyay teber. Bîna da xo de yew vilaweke hedre kene danê wendiş û gazî kene vanê; wa pêameyiş virazîyo şanlî turk ordî ra ardim bikerê muftîyê Gurgumî gêrenê ey niştê veynê.Nê qirkerdiş ra dimi zî sed de 80 welatîyê elewî Gurgum ra barê kenê koç kene şîyenê la çi heyfo ke o den îxtîdar sere de CHP bi.
Ancî wexto ke qirkerdişê Otelê Madimakî virazîyay ancî hikûmat SHP desti bi. Ewro zî nê heme qirkerdişan dewlete resmî virazena. Kiştişê gedan domanan, cenîyan, veşnayişê dewan, koçkerdiş , eştişê kîmyaslî, linç kerdiş. Nê pêyro marîfetê hikûmatê AKP yo.
ZAZA CEBELÎ