Qezaya Licê ya Amedî de yew hewteyî ra zêde yo ke operasyonê leşkerî dewam keno. Ame musayene ke operasyon bitaybetî dewa Çemê Elika de domîyeno û leşkerî berê dewijan ver de nobete tepişeni.
Vejîya orte ke qoricîyê ke leşkeran reyde beşdarê operasyonî benî, toraq û ruweno kele ke dewijan kerdbî binê herre, vetî û berdî. Reyna qoricîyan bexçeyê dewijan talan kerdo û tede çîyêk nêverdayo. Vizêr zî ame dîyayene ke cayê operasyonî de daristan ameyo veşnayene û şewat hîna zî dewam keno.
Heto bîn ra Mehmet Alî Oyunluyo 82 serrî û lajê Mehmet Oyunluyo 45 serrî ke 2 rojî verê amebî tepiştene ra zî ti xebere nîna girewtene.
MA / AMED