Tarîxê Kurd û dinya de di bajar û di fermandarî estî zaf veng da yo.

Yew Selheddîn Eyyûbî yo, bajarê Qudûs rizgarkerd. Kurd bi.

Dîyin zî Arîn Mîrkan a. Kênayêk Kurd bî.  Hemberê hêrîşê çeteyên DAÎŞ’ê T.C qilê Miştenûr de çalakîya fedayî kerd.

Pê cesaret û ruhê Arîn Mîrkan, şervanên YPG û YPJ şer kerd û bajarê Kobanê hemberê hêrîşên çeteyên DAÎŞ’ê T.C pawit. Gam bi game rizgar kerd.

Amerîka ra bigire heta pêronê dinya, herkes vatênê ê Kobanê bikewro. La Arîn Mîrkan û şervanên YPG-YPJ û şarê kurd va, “Ma Kobanê de serkewtiş virazênî”.

Hina va û bi bawerî şer kerd, bajarê Kobanê azad kerd.

Yew vano qey Şaîrê gird yê Kurd Ehmed Arîf’î nê rojî dîyê û hina şîîrê “Dizika Amedî ra çend notî û lorîke Bebeka Bi Name Adîloşî” û “Metopotamya” nusnayê.

Ma bi ewnî Ehmed Arîf, her di şîîran xo de se vato...

“DIZIKA AMEDÎ RA ÇEND NOTÎ Û LORÎKA BEBEKA BI NAME ADÎLOŞÎ

... Nê,

Mar û şanemarê binê şakîlanê.

Nînan,

Çim verdayo,

Nan û arîşê ma.

Nînan weş bişinasnê,

Weş bişinasnê û pîl bibi.

No, namûs  o.

Kunyê ma de neqirîyayo.

No zî sebr o.

Jahr û axu ra agozîya yo.

Xo nînan ra bipêşî.

Xo bipêşî û pîl bibe. 


MEZOPOTAMYA

... Hezar serro ked û rencê mi doto,

Tarîkê rew, hewna hewnê de ser mi giroto.

Esparanê xo yê xofdanana.

Hukumdaran, hêrîşkaran, raybirran,

Xûk û xerac mi ra waşto.

Mi ser nêronayno,

Mi ne Eskender şinasnayo,

Ne şah ne sultan.

Bêwerîsîye, barkerdo peyser agerêyê û şîyê!

Mi silam şirawita dostê xo ra.

Û xoverdayo.

Ti vînenê?

.....

Ma to bidîyenê,

Înan senî mi ra heskerdenê.

O ke Riha de tifîngî eştê, to bidîyenê.

Bergan ra minaran ra,

Gilanê daran ra,

Bihuyayîşê şîyê vera mergî.

Teqêz nînan bizanê,

Veng yeno to?

....

Ti do bivînê, senî newedera afirêna,

Pê destanê to yê binamûs û cîwanîyê.

Demo ameyox de lajê mi estî,

Kênayê mi.

Her yewê înan letê cîhanêyê ke, dest cira nêbeno.

Pişkokê hesretê minê yê çen hezar serranê,

Lew nana çimanê to ra,

Çimanê to ra.

Omidêk mi tiyê, eza to pawe,

Ti fam kenê?”

Ehmed Arîf her di şîîrê xo de şervanên YPG û YPJ nuştî.

Seyî nuşto şervanên YPG û YPJ zî Kobanê de eynî hina xoverdayîş kerd.

Şervanên YPG û YPJ xeyalê Ehmed Arîf ardî ca.

Arîn Mîrkan qilê Miştenûr de wexto ke çalakîya fedayî kerd kênakê 19 serrî bî.

Sey baw û kalanê ma vato: “Emrê tersonekan yê egîdan ra dergêrî yo.”

Arîn Mîrkan gore vatişê înan şer kerd û emrê xo ciwanî de bîya egîdê egîdan.

Nika Kurdîstanê de kênayê kamî bena, name Arîn Mîrkan nanî pa. 

Vanî ya, “Ga mireno çerm maneno, egîd mireno name maneno”.

Name Arîn Mîrkan, heta û heta maneno. Ê bi mano.

Ya ê tersonekan! Çîyê înan manêno?

Ze gayî çermê înan zî nêmeno.