Quran

Wexto ke yew vajo Quran, Hz.Muhammed yeno vîre herkes.
Wexto ke yew vajo Quran, mishefê pîroz  yê bîn zê Zebûr, Tevrat û Încîl yenî  vîre herkes.
Pêronê cîhanê, qey(seba) mishefên pîroz ra rumetîyê xo nîşandanê.
Yew kes zî lez cesaret nêkeno, ver Quran, Zebûr, Tevrat û Încîl bê rumetî bikero.
La ma ewnenê tayî rêxistin estî name dînê Îslam nanî xo ra, ver Quran, Încîl û Tevrat bê rumetî kenî.
Nayê hêzên ra ma vanî çete.
Nayê hêzên ra ma vanî dişmenê dînê Îslam.
Nayê hêzî kamê?
Name înan DAÎŞ, El-Nusra, Ehrar-i Şamî  yê û Hîzbul-Kontra Hudapar û AKP destek danê nayê hêzên çete. AKP û Hîzbul-Kontra Hudapar şîrikî nayê çetayan re kenî û pawenê. Xo ra AKP û Hîzbul-Kontra Hudapar zî dişmenê dînê Îslamê.
Nayê hêzan, 27’ê Sibatê de eşt ser Bajarokê Til Maruf yê Rojavayê Kurdistan.
Camî û medreseya Şêx Xeznewî pê bombayan teqna û rijna.
Qebrê Şêx Îzzettîn Xeznewî pê bombayan teqna û rijna.
Adir na keyeyê  şarê Kurd û veşnayê.
Dest eşt namus, keyna û tutanê Kurdan.
La ma ewnenê teberê şarê Kurd, yew kes zî vengê xo nêvet.
Herkes ver no wehşetî, bîyo kêr û lal û bê veng.
Karîkature ke Danîmarka da amebi viraştiş û no karîkatur de Hz.Muhammed ra heqeret amibi kerdiş, herkes nêrazîbîyayîşê xo nîşanda.
La çeteyanê DAÎŞ, El-Nusra û Ehrar-i Şam, Til Meeruf de Quran veşna, camî pê bombayan rijna, keye veşnayê, dest eşt namusê Kurdan kes vengê xo nêkerd.
Şêxê Norşîn, Şêxê Xeznewî ra şêxîtî genê la reyna bê vengî.
AKP  bê venga.
PDK(KDP) bê venga.
Cemaatê Menzîl, Îskenderpaşa, Îsmaîlaxa û Erenkoy bê vengî.
Cîhana Îslam bê venga.
Ey Şêxê Norşîn, AKP, PDK û cemaatê bîn heta nika şima vatenê ma dînê Îslam û Quran pawenê.
Ça  mend  dînê şima?
Ça  mend bawerîyê şima?
Raştiyê şima zî vejîya werti.