QURBAN

Pêro Alemê Îslam, Roşanê  Qurbanî bimbarek keno.
Herkes, qijanê xo ra cilanê newe genî.
Herkes, qurban birneno.
Herkes,yardimê qurban komkeno.
Şarê xo yê feqîr ra vila keno.
Herkes, zerrê bextewarî û şadî do.
La, welatek esto, qijanê no welatî bê şitê.
La, welatek esto, qijanê no weletî bê dermanê.
La, welatek esta, uca de weşanî û teşanî esta.
La, welatek esto, uca de, can şino, gonî rijyena. Ser no welatî de bombe varanî.
La welatek esto, pêronê dinyayê zalim biya pîya, êrîş kenî ser no welatî.
La, welatek esto,no welatî de şerêk giran esto.
No welat, welatê Rojavayê Kurdîstanî yo.
No welatî ra vanî, Fîlîstînê Kurdîstan.
Seyî pêronê Ereban seba-qey- Filîstîn seferber benî, hewce keno ke, Şarê Kurd zî seba Filîstînê Kurdîstan seba Rojavayê Kurdîstan seferber bibo.
Seba seferberiyê Rojavayê Kurdîstanî,  Heyva Sor, Roşanê Qurbanî de yew kampanya dawa destpêkerdiş.
Gore na kampanya, gera pêro Şarê Kurd, yardimê xo yê qurbanî bişirawo Rojavayê Kurdîstan.
Çûnkî,  Rojavayê Kurdîstan ewro şeref û namûsê Kurdan paweno.
Şarê Rojavayê Kurdîstan zî vano, şeref û namûsê merdimî erdê merdimo. Welatê merdimo.
Qey Rojavayê Kurdîstan qij û kalê Rojava seferber bîyê.
Dewanê xo, qezayê xo û bajarê xo pawenî.
Dayîyê Rojava Kurdîstan zî, seba şervanê YPG û YPJ werdi pewjenî, nan pewjenî.
Herkes, hetek ra bare ke, kewno ser milê eyê ewno ca.
Gera pêro Şarê Kurd, seba Rojavayê Kurdîstan seferber bibo.
Çûnkî  azadîyê Rojavayê Kurdîstan, azadîyê Bakurê Kurdîstanîyo. Azadîyê Rojhilatê Kurdîstanîyo. Azadîyê Başurê Kurdîstanîyo.
Qederê pêro parçe Kurdîstan, yewbîn ra girêdayîyo.
Binkewtinê Rojavayê Kurdîstan, binkewtinê Bakur, Başur û Rojhilatê Kurdîstanîyo.
Wexto ke, Şarê Kurd na raştî bizano, gore na raştî tekoşîn bikero, azadîyê Rojavayê Kurdîstan û parçê Kurdîstan ayê bîn nîzdîyo.
 Ez, pê no bengî û hîssan, Roşanê Şarê ma Kird yê pêro bimbarek kena.