Raştî merdim şaş maneno. Senin hendek duşt yewbînan hende vatiş. Hetêk ra ti û şêwirmendê to go vajê pirsgirêka kurd tene RTE çareser keno.
Sera 2005 de Amed de qiseykerdişê xo de şima vanê la nêvat: “No welat de pirsgirêke esta ke lazimbo merdim name pano belê pirsgirêka kurd est a”. A ser ra heta ewro semed çareser bibo na pirsgirêk zehf raye têkilî virazyayê. Têkiliya bi name û veng têkiliya ku OSLO de amey kerdiş.
Wexto weşayişde heme kesî pêhesyay. Badê coy raynê no welat de na erdnîgarî sero zehf zêde qewemyayişê merdimi dejnay amey kerdiş. Zêde gonîyê ciwananê nê erdnîgarîyijan ame rişnayişe.
Na gonîyêka ameyê rişnayiş tenê Rayverê Şarê Kurd Birêz OCALANî eşkê vindarno. Şima zî têkilî eydir na ro. Sera 2013 roja vîst û yew ê adarê, roja Newroz bi peyamê birêz OCALAN î na gonî ameya vindarnayiş. Heta ewro bi na awa ameya.
Eyro gamêke herî raver ameya eştiş. Saraya Dolmabaxçe de raya yewina dewleta Tirkiya bi muhatabanê kurdan dire ronişena. Des xalan sero nîqaş kena. Temamê qanalanê TV û çapemenî de yena nîqaşkerdiş.
Nê des xalî ku bica bêrê na erdnîgarî ser demokrasî awan bena. Tenê pişrsgirêkê kurdan nê, yê temamê kemînetewan, olan û mezheban çareser beno. Hende pirsgirêkî estê serede yê pirsgirêkande zî pirsgirêka kurd esta.
Qey to vîr nêkuna no vatişê to: “Jehrê baldirane bo zî ezo firkerî nê jehrî”. La gelo çiyêko jehrê baldiranî be çi be?
Nika semed ti rayanê xo bizêdnê ti na awa qisey kenê, xirabiyêka nayra virazyo ti nêgenê ver çiman? Ti verê na vatişe vajê, semed temele çiyê yene viraştiş ti erzenê ti vanê: “Yaaa Allah, bîsmîlah” ti nêvanê yê goştarî to kene bi dil û can, bi bawerîyêka xurt bawerî bi homay û Bîsmîlay arenê. Go raye nêdê, yê di vatişê yine yew bînî nêgenê.
No ters , no di rûtî henî pere nêkena. Çehov nûştoxêko. Binamê “Mergê Memûrî “ nûştoxêkê cêy esta. Vano temaşê kayêkede zerê salonê sînema de, yew kuxikê cêy yeno wexto kuxeno, bi kuxikê ceydir tif jî vecyeno beno pê mile yêko vernî ceyde ronişto yo. Awneno yew generalê leşkerîyo. Terseno , zehf terseno. Cira lêborînê xo wazeno.
General zey vaco çîke nêbeno sere xo şaneno. Temaşê kaya yena kaykerdişe keno. La merdim tersê yê zêdyeno gelo go çîke biyaro min sere. Raynê vano; ti qusûr min nêawnê. Qestêke tede çinêbe, bê hemdîra virazya.
Na rey general bi vatiş vano nê ez qusûr to nê awnena. Merdim zahf tersen kaye qedyena na rey şino vernî generalî vinden.
General yeno raynê mile xo keno çewt zey hêsîr û pepûkan “Ti min efû bikerê”. Na rey generalê leşkeri hêsir beno û şino. Merdim tersan ra ewca ganê xo dest dano. Vatişê verînan vanê; “Feydê tersî ecelîrê çinyo”. Raştîra xirabî nêvirazyena.
Nesîp GÛLTEKÎN