Quwetanê QSD yê yê Hemleya Xezebê Firatî raya mavêna Reqa û Tebqa girot bin qontrolî.
Hemleya Xezebê Firatî ya xelesnayîşê sûka Tebqa û bendawa ci vizêr zî dewam kerd. Şewa verî quwetê QSD, perra Başûr ê Çemê Firatî ra ver bi raya mavêna Reqa û Tebqayê aver şî.Herem de heta vizêr sodir seat 07.00 pirodayişê giran qewimyay. Netîceyê pirodayişan de ray bi temamî kewt bin qontrolê şervananê Xezebê Firatî.
Tebqa de talûke qedîyeno
Heto bîn ra çeteyê DAIŞ ke nêşkenê vernîya Hemleya Xezebê Firatî xo bigîrê, bi guleyanê top û hewanan xesarêko giran day Bendawê Tebqa. Seba wedarnayîşê talûkeyo ser bendawî, jeneratorêko gird ke ceyran bido bendawî ame ruşnayen. Muhendisê ke derheqê babed de ANF rê qisey kerdî, day zonayen ke ebe berdişê jeneratorî ra pîya, do talûkeyo ser bendawî zî biqedîyo. Muhendisê ke bin pawitişê quwetanê QSD de gureyenê, seba ceyran dayîşê bendawî xebetyenê. Bi nayî talûke do werte ra wedarîyo.
La heto bîn ra çeteyê DAIŞ ke hewl danê gureyînanê muhendîsan manî û sabote bikerê, bi guleyanê top û hewanan hêrîş kenê.
REQA