Weçînayîşê 7’ê Hezîrane, weçînayîşêk zaf muhîm û stratejîk o. Şarê Kurd yê Ewropa zî hewwe ewwîl ke rastê rast rayanê xo dano şuxulnayîş.
Eger şarê kurd yê Ewropa rayanê xo rast bido şuxulnayîş, ê qederê weçînayîş tayînbikero.
Biewnê weçînayîşê 2011’an na rastî weşêrî vjîyena werti.
Şarê Kurd weçînayîşê 2011’an de serbixwe kewt weçînayîş. Cayê ke şarê kurd serbixwe kewt weçînayîş, 42 bajarî bî.
42 bajaran de serra 7 rayê vejîyayê.
39 bajaran de zî namzedê şarê kurd nêamebi mojnayîş. Wexto ke rayê 39 bajarî zî zê serra 2 berê hesabkerdiş, bi temamî rayê şarê kurd benî serra 9.
Yane gore weçînayîşê 2011’ê rayê HDP’ê en tayî serra 9’ê.
Gore weçînayîşê serokkamarî yê 2014’ê zî, rayê HDP serra 9.8’îyê.
Gore weçînayîşê 2011 û 2014’ê vejîyeno werti ke, rayê HDP en tayî serra 9.4’ê.
No halî de seba ke HDP bendê weçînayîşê derbasbikero, serra 1 rayê hewce kenî.
Tîya de muhîmîyê rayê Ewropa vejîyenê werti.
Hina aseno ke Ewropa de seba HDP’ê serra 1 rayê bivejîyenê qet û qet problem û mesele bendê weçînayîş nêmaneno.
Xo ra hedefe HDP’ê zî en tayî 400.000(Çar û se hezar) rayîyê.
Xebata ke heta nika ameya ramitiş, hina asena ke 400.000 rayê bivejîyenê.
Komîsyonê HDP’ê yê Ewropa yew dazanayîş da û wa, heta nika ma resayê 250.000’î însanan, pêronê înan va ma rayê danî HDP.
Partî û hêzên bîn ayê ke HDP’ê re kewtî îttîfaqê, zê Kurdê Elewî û Tirkê Elewî, demokrat û çepê tirkan mîyanê no hûmarê de nîyê.
Wexto ke nayê zî bîyerenê hesabkerdiş, hina aseno ke komîsyonê HDP resayê 300.000(300.000) zêdeyîr însanan.
Însanê ke komîsyon nêreseyo înan, ayê zî berênê hesabkerdiş, rayê HDP’ê 400.000 zêdeyîr asenê.
Hetanê rayê berênê şuxulnayîş propangadayê weş dewambikero û yew bi yew însanan ra eleqedarî bibo, hûmar hîna zêde beno.
Wextê rayê berênê şuxulnayîş, hûmaro ke ameyo tesbîtkerdiş, pêronê înan bi tanzîm rayê xo bidenê şuxulnayîş, ê şarê ma yê Ewropa encam û netîceyê weçînayîş tayînbikero.
Şarê ma gore na rastî rayê xo bido şuxulnayîş, ê 8’ê Hezîrane de govendê azadî kaybikero.
Uçaxî pêronê welatên Ewropa bibo heyranê şarê kurd.