Arîn Mîrkana ke bi çalakîya xo ya fedaî azadîya Kobanê de bîbî sembole, eynî wextî de xeylê cinîyan rê bîbî finak. Her hetî ra xeylê cinîyî Arîne Mîrkane xo rê finak gênî û beşdarê têkoşînî benî. Arîne û Mîrkane ke wayê yewbînan î, nê cinîyan ra yî.Arîne û Mîrkane eslê xo de Mêrdînî ra yî, labelê şert û mercan ver mecbûr mendî ke koçê Ewropa kerdî, beşdarê gerîla bîyî. Gerîla Arîne û Mîrkane qala beşdarbîyayîş û hedefê xo kerdî.
Hezaran Arînî yenê
Wayan ra Arîne va ‘Arîne Mîrkane sere de cinîyanê kurdan û heme cinîyan rê rayîrê azadî nawite’ û qiseykerdişê xo wina domnaye: “Ez zî na çalakîye ra dima beşdar bîya û mi ra dima waya mi beşdar bîye. Tena ez nê her kes dejê welat ra dûrî cuyayîşî zano. Labelê ma êdî nêwazenî welatê xo ra dûrî bicuyî, herinda ci de ma wazenî seba erdê xo şer bikerî. Arîn Mîrkane seba heme cinîyan bîye sembolêk. Ma zî sey aye bi hawayo bêters şerkerdişî esas gênî.”Wayan ra Mîrkana ke Arîne ra dima beşdarê gerîla bîya, va ‘Mi xo bi xo va ‘ganî no proses de ez zî hetê waya xo de biba’ û qiseykerdişê xo wina daye domnayîş: “Cok ra ez beşdar bîya. Wa ti kes xo vîra nêkero; şehîdê ke sey Arîne seba nê welatî canê xo feda kerdî ra dima bi hezaran Arînî yenî.”
Ganî ma biagêrî
Mîrkane peynîya qiseykerdişê xo de wina va: “Mîrkanê sey mi zî do înan ra dima têkoşînê xo bidomnî. Mîyanê nê têkoşînî de ca girewtiş, seba mi û keyeyê mi îftîxarêko gird o. Êdî wextê xerîbmendişî nîyo, ganî ma biagêrî cewherê xo û seba ci têkoşîn bidî.”
JIYAN TEKOŞÎN / ANF / BEHDÎNAN