Rojawanij Sadîye Mustafa serra 1982’an de Rayverê Şarê Kurd Abdullah Ocalan reyde Rojawan de xebatê sîyasî meşneya û peynîya şinasnayişê PKKê ra nika Sadîye Mustafa têkoşîna xo domnena. Cuyayişê xo ser Sadîye Mustafa vat ke nêşinasnayê PKKê ver de a tena banê xo de cuyayişê xo domnaya û domanê xo zî senî musaya se ona daya resayîş û na demê hemserê a welatperwer nêbîyo û no ser zî a cuyayişê xo de verba hem hemserê xo hem zî pergala faşîst de têkoşîn daya.
Rayverê pîl Egîd Sadîye Mustafa vat ke a Hakî Karer, Egîd û Mazlum Dogan reyde beşdarê têkoşînê bîya û wina vat: “Yew roj kekoyê min, wêneyê Mazlum Dogan ard û vat ke Dogan xo bi xo zîndan de veşnaya. A demî ez zaf xemgîn bîya. Nika ez rayvistişê hîna weş fam kena û no ser zî beşdarê têkoşînê bîya. Ez malbatê xo reyde binê tersê Rejîma Baas de têkoşîn daya meşnayiş. Yew roj kekoyê xo reyde yew kombîyayişê ra şîya û oca de tena cenî ez bîya. Kombîyayişî embazê Egîd aver berdî û Egîd vatê; Şorişa ma zey tren a, yew siwar bibo, yew zî bêro war û no ser zî şoriş têkoşînake derg a.”
Min azadê ra eşrawit
Sadîye Mustafa ciresna ke a û kêna xo seba vînayişê Rayverê şîyê Akademîya Mahsun Korkmazî û teraqnayiş de Rayver Apo înan ra waştişê înan persayo û wina dewam kerd: “Min Rayverê ra vat; belkî emrê min Kurdistano Azad nêvîno û no ser zî ez wazena hetanê peynî rayîrê to de têkoşîn bida. Rayver Apo zî min ra vat; ma bi sey kesan noca de kom bîyê la no ax, ma ra aîd nîyo la eke axê ma bibîynê no demî vîra ma hîna qiymetdar bibîynê. Ez û kêna xo ma pîya 8 serre têkoşîn ramitî. Kêna min, min reyde bar kerd ke a wazena beşdarê gerîla biba, min zî ci ra vat ke qet heqê min çin o verê to de asteng biba. Tay dorûverê min ra vatê; ti qey kêna xo eşrawit mergî, min zî vat; nê ez kêna xo azadê ra eşrawita.”
Komploya 15 sibatê
Sadîye Musta destnîşan kerd ke a peynîya komploya 15 Sibatê hîna aktîf beşdarê têkoşînê bîya û no dergî da qise xo: “Min dema ke televîzyon de rewşa Rayver Apo vîna, o demî ra nika dinyayê min tarî ya. Hîrê bira û yew kêna ez vîn kerda û heme zî na têkoşînê de şehît kewtî. Yew roj daxî ez sîyayan girênêdaya û şîn nêgirewta la dema ke Rayverê xo na rewş de vînaya, no demî ra nika bire girewta tena sîya serê xo bikera, nika dinya min tarî ya.”
ROJDA SERHAT / ŞEVÎN ŞERVAN/JINHA / DÊRIK