Seba lajê xo Melek Çetînkaya destbî meşa edeletî kerd, Çetînkaya verê keyeyê xo de bi polîsan ame binçimgirewtişî. Buket Încîra ke seba ke meşî ra hetkarî dabî ame binçimgirewtiş û serbestmendbî, vat ke Melek Çetînkaya ra Emnîyetê Enqereyî de îşkenceya psîkolojîkî yena kerdiş.
Încîr aşkera kerd ke Melek Çetînkaya ra polîsan heqeret kenê û vanê ke ti mila xo kilm çi karan kena, kam to ra medyaya komelî da musayiş û wina domna: “Melek Çetînkaya nika nezaretxane de manena û cayê ke yena girewtiş polîsê cenî çin ê.”
Wekîlê Kocaelîyî yê HDPî Omer Faruk Gergerlîoglu zî îdiayê işkenceye ra bertek nîşan û vat ke kam hetkarî meşê edeletî ra dayê se ameyê binçimgirewtiş, êdî bes o, dayikan wicdanê komelî yê.
MA/ENQERE