Hewayê her wextî rojdemê ravêreyî germ beno û sernawera serûbin beno. No raya verênîya ke hin de zaf ravêreyîya çareserî raya ûmumîyeyê pêroyin de germ bî. Peyama Dolmabahçe û 21’ê Newroze de peyama Rayver Apo hêvîya çareserî day heme kesan. Labelê no warî de sakî Serokwezîr Tayyîp Erdogan kêvanê qay kayê şanoyî kay keno. No sebeb ra yo ke seba ravêreyîya çareserî ra cidîyetê samîmîyetê hukûmatê AKP vejîyeno raşte. 

No warî de verê Newrozî de KCK eşkerayî da û no eşkerayî de vat: “Hukûmatê AKP kombîyîşê Asayîşê Konseya Mîyanin de biryarê şerî girot o. No warî de ewro zî vatişê raştîya KCK vejîyena raşte. No babetê mîjarî de nîyetê AKP nîyetê ravêreyîya çareserî nîya bi rewşa eksî ra nîyetê şerî bi. Ancî zî AKP hesaban ra qurnazey kena seba xirabkerdişê ravêreyîya çareserî ra kena ke sûç fîno HDP û nazî KCK.” 


Padîşayeya xo dewam biko ra şer wazeno

Nê weçînayîşê pêroyine 7’ê Hezîranî de AKP hêza xo vinî keno û nêeşkena ke bi tena bibê îqtîdar. No warî de vara de hînê bi tena îqtîdarbîyîş, bi rewşa eksî ra AKP hînê mîladê xo pir kena û qedênena. No sebeb ra yo ke Tayyîp Erdogan politikaya şerê qilêrinî şixûlneno û gurêneno. Yew hetî ra zî no warî de Tayyîp xo xapêneno. Çimkî heyana ewro nê 13’ê serrî yo ke AKP bîy îqtîdar. Heyana ewro zî Tayyîpî çi vat eynî hewayê ey bi. No sebep ra zî hînê vano qay heyana peynî ana dewam keno û ezî hînê saltaneteya û padîşayeya xo dewam kena!

Heyana ewro Serokomar Tayyîp Erdogan hunerê politikaya xo weş gurênay û şixûlnaya. Çimkî wext ame Tayyîp maxdûrîyete ya xo nawite, wext ame realîteyê kurdan sinasnay, heme şoreşkerê verênî ardîy vîrardiş. En muhîmî zî seba ravêreyîya çareserî ya kurdan ra rolê xo weş kay kerd. Her Çiqas ma xobixo vanê Osmanî kayî zafî labelê ma zî yew hetira heyana ewro xapîyay. Yew hetira zî no xapênayîşî de tikêyna zî ma mecbûr bîyê. 


Erdoganî şar zî xapîna

No warî de Tayyîp Erdogan hem şarê kurd û hem zî şarê tirk weş xapêneno. Tayyîp bi vatişê xora her wext vatê: “Ez nê wazena ke hirsê gilîya çimê mayan birêşê ez aştî biyarî. Ez wazena çareserîya babetê kurdan mijarê min o û ez çareser kena. No vatişê Erdoganî ra zî şar xapêya. Mijarê babetê dîyine zî Rayverê Şarê Kurd binê esaretî de bi. 

No rewşe zî en rewşa muhîmî û rewşa girde bîy. No sebeb ra zî Tayyîp Erdoganî nê heme xalan weş û polîtîkya xona hunerî de hosta bi. Tirkîya çi wext verba hemvera Tevgerê Azadî ya Kurd ra kewte tengayî hema leza leze ra hewayê her wextî qalê pêameyîşî û aştî kerdîy û yew hetî ra zî Rayverê Şarê Kurd kerde dewre. Hînê badî zî heme çîy serede bîyênê sankî zur. Tayyîp Erdoganî nê qalê pêameyîşî aştî nêkerd.

Enka zî çi wexto ke heyetê HDP Îmralî Qandîlî rey de adeta dîplomasîya girde gurênay. Dolmabahçe de hem heyete HDP û hem zî heyetê hukûmata AKP eşkerayî day û nê eşkerayî de vajîya ke heme çî temam o ravêreyîya çareserî ra gamê muhîmî erzîyay ravêreyî û muzakere dewam keno. Yew hetî ra zî Dinyayî de heme kesîy 21’ê Newroze de peyamê Rayver Apoyî pawitê. Bi netîce de Rayver Apo peyamê ey ame wendiş û eşkerakerdiş. No no peyamê Rayver Apoyî ra her kes memnûn bi.


Ahmet Davutoglu bîyat kerd

Hînê çi bi se, Tayyîp Erdogan nişkawe ra hewayê şeytanî vejîya raşte û vat: “Hayîya mi Heyetê koma şopî ra çinîya. Ez no heyetî raşt nêveynena û qebûl nêkena û beyanatê Dolmabahçe zî raşt nêveynena.” Tabî nê vatişê Tayyîpî ra her kes şoq bi. Hemverê nê vatişê Tayyîpî ra bi tena AKP de Bulent Arinçî bersiv da û hînê bado zî emanetçi Serekwezîr Ahmet Davutoglu vatişê beyanetê Erdoganî emîr hesibna bîyat kerd. No warî de Serokomar Tayyîp Erdogan wazeno ke ancî saltanateya û padîşayeya xo dewam bikero. Labelê na ray zî HDP veranêdana ke hînê Tayyîp saltaneteya xo koşke de dewam bikero. No sebeb ra zî Tayyîp Erdogan wazeno ke nê vatişanê xora rayanê xona verênî bipawo û raya nîjadperestan bigero û padîşayeya xo dewam bikero. 

No sebeb ra yo ke Tayyîp efendî hinde zah har bîyo. No weçînayîşê pêroyine 7’ê Hezîranî de HDP bena hêvîya heme şaran. No weçînayîşî de HDP bena serbanê heme şaran û heme bindestî xelisnayîşê azadîya demokrasîya xo HDP de veynenê.


Demokrasî û çareserî abeno

No sebeb ra yo ke no weçînayîşê 7,ê Hezîranî de seba demokrasîya şaran ra yew sinawo gird û muhîmî o. No warî de ganî heme kes bi can û rih ra seferberîya serkewtişê azadî û demokrasi gere seferber bêy. No weçînayîşê pêroyine de awantajê HDP zaf o. Eke HDP nê awantajê xo weş bigurêno se rayîrê heme demokrasi û çareseri abenêy.


 NAVENDA XEBERAN