Partîya Demokratîk ya Şaran (HDP) keye bi keye gêrena û derheqê referandûmî de melumat dana şaran. Wendekar, esnaf, ciwan, extîyar, karmend û citkarê Antalya seba ‘nê’yî veng danî. Citkar Halîl Bîlîmî dîyar kerd ke ê vera sîstemê kesêk de yî.Kadîr Bago ke xebatê ‘nê’yî meşneno qisey kerd û wina va: “Seba merdimîye û raştîyan ma vanê nê. Ganî ma seba ameyoxêko baş û weş şêrî sindoqan ser. Ma seba heme neheqîyan vanê nê.”
Ma cuye pawenî
Zîynet Bage zî nîşan daye ke ê do16ê Nîsane de neheqî, zilm û polîtîkayan bivindarnî û vajî nê. Karker Melîke Eruze daye zanayîş ke do mergî ver de cuya ganî pawenî. Sewbîna zî karkera bi nameya Gulcan Îlhane bale ante rewşa xebat û referandûmî ser û va; seba ke keda ma nêro çinkerdiş ma do vajî nê. Cinîyan ra tewr peynî Meltem Kadane qisey kerde û wina va: “Seba nê kurdbîyayîş û karkerîya ma bes o. Badê referandûmî do her ca de vilikî akerî.”
DÎHABER/ANTALYA