EMANÎ EZAM ANHA/KAHÎRE Vera Vîrûsê Koronayî pêroyina Dinya de têkoşînêk esta, peynîya Îtalya, Spanya û Çînî tewro zaf hedîseyê mergî Îran de ame dîyîş la yeno vatiş ke Îran hûmara hedîse û mergan nimineno. Babete ser o Berpirsîyarê Têkilîyê Teberî yê Konseyê Xoverdayişê Netewî yê Îranî Musa Avşar qise kerd. Avşar aşkera kerd ke Îran demê xo de tedbîran nêgirewtê no ser zî vîrûs bi lezî vila bî, 219 bajarê Îranî de hedîseyê mergî ameyê cuyayiş û hûmara mergan 10 hezarî vîyartê û wina vat: “Serekê Dewleta Îranî Hasan Ruhanî qiseyê xo vat bî ke; vera Şorişî komployêk esto, wazenê ekonomîya Îranî bidê vindarnayiş la ma do destûr nêdê û ma tesilî bajarêk binê karantînaye nêgê. Îran waştinê sey ke Emarîqa no vîrûs veto propogande biko. Êdî vera vîrûsî dewleta Îranî bêçare yo. Armancê Îranî qet weşîya şarî nîyo, tena wazenê îqtîdarê xo bipawê. Nika çew nêeşkeno Îran de xizmetê weşîye bigo.” Îran rêxistinê terorî ra hetkarî dano Avşar dîyar kerd ke çiqas hîşyarî bêro kerdiş zî Pastarê Îranî, bi şîrketê Rasteyê Teyara yê Mahan Aîrî de Çînî ra seferan ra dewam kerdê, Îran bêbersîyarîya xo ser 16 welatî ra no vîrûsî vila kerd, rejîmê Îranî Îraq, Surîye û Lubnan de bi hetkarîya terorî, wazenê bîyayişê xo bidomno. Avşar pare kerd ke rejîmê Îranî wazeno berpirsîyarê vîrûsî amborgoya Emerîqayî nîşan bido, nika maske û kelmelê weşî lejker û rayedarê dewlete ra yenê dayiş, doktoran zî nêeşkenê ekîpmanê weşî ra biresê, nêweşxaneyan de kelmelê weşî çîn ê û wina qedîna: “Rejîm, Îran de xebatê Doktorê Sînor Nêşînasnenî da vindarnayiş, çimkî armancê înan esil hûmara hedîseyê nêweş û mergan nimitiş o. Îran rejîmêko dîktator o, rejîm tena Pastaran ra destûr dano.”