Badê ke DAIŞ hetê şervananê Hêzê Sûrîyeya Demokratîke (HSD) ra Reqqa ra ame vetiş, bi hezarn mayîn tax, mekteb, awanî, keye, nêweşxane û pêroyê bajarî de xo dima vera dayî. Koma wedarnayîşê mayînan waştişê hemwelatî û hêzê leşkerî pê ana û wexto ke malumat bêra dayîş, şona cayê mayînan. Tena aşma pêyên de koma muhendîsan ke 16 keyeyê taxa Reqqa, 19 cayê pêroyî û 4 mekteban de pakîye kerde û pêro pîya 72 mayîn, 39 roket, 2 bombe û 14 mayînê binerdî îmha vete.
Wexto ke mayînê binêrdî yenî dîyayîş, seba vetişî muracatê Komîteya Zerre ya Meclîsê Sivîl ya Reqqa û Komîteya Zerre yena kerdiş. Koma muhendîsan û komîte waştişê hemwelatîyan pê anî û heme nuqtayan de pakî kenî. Xalid El-Ehmedo ke endamê koma wedarnayîşê mayînan de yo dîyar kerd ke heta ke mayînî bi temamî nêrî pakîkerdiş karê înan do dewam bikera. Kome wextê wedarnayîşê mayînan de heta nika 4 şehîdan daya.
REQQA