Hetkara Sekreterê Pêroyî ya ÎHDyî Necla Şengule zî derheqê neheqîyê ke hepisxaneyan de benî de qisey kerde û wina va: “Goreyê malumatê Wezîrê Edaletî nika Tirkîya de 194 hezar û 973 kesî tewqîfkerde yî. Goreyê ma na hûmare raşt nîya; çimkî qaso ke ma zanî hepisxaneyan de xeylê cayê ortaxî zî sey ode yenî xebetnayîş. Bi taybetî yê ke teşebusê derbe ra dima ameyî tewqîfkerdiş, nê cayan de yenî vindarnayîş. Hukmat yê ke sey ci nêfikiryenî ser parekerdişê ci yê Facebookî ra daxî tepişeno. Ez bi xo rewşa 12ê êlule zî cuyaya la nika rewşe hîna xirabêr a.” Şengule dewamê qiseykerdişê xo de bale ante zêdebîyayîşê muracatê neheqîyan û wina qedênaye: “Bi taybetî tayê bajaran de muracatî zaf zêde bîyî, mesela raporê ma yê Riha zî finakê nêyî yo. Riha de 210 kesî yew Salona Sporî de yenî vindarnayîş û tena yew cayê destawî estbîyo. Ewja de 5 rojan ra reyêk doktor yeno û pey barîyeran ra persê nêweşîya înan keno. Nika bi hezaran hepsîyê nêweşî estî. Ma do heta ke nê hepsîyî biresî weşîye û azadîya xo, têkoşînê xo bidomnî.”