Ocalan di hevdîtina 22’ê Cotmehê ya bi birayê xwe Mehmet Ocalan re diyar kiribû ku ew li benda heyeta dewletê ye, lê belê di hevdîtina hefteya bihurî ya bi xwişka xwe Fatma Ocalan re gotibû, “kes bi min re neaxiviye.” Onder derbarê hevdîtinê de wiha got, “heyeta dewletê ya Ocalan li bendê bû pê re hevdîtin kiribû. Bi rojekê beriya em biçin gravê bi heyeta dewletê re hevdîtineke demdirêj kiribû. Destnîşan kir ku hevdîtin berfireh û berhemdar bû.”
Pirsgirêkên li girtîgehan...
Onder gotinên Ocalan ên der heqê destwerdana li heyetê jî wiha ragihand: “Ez vê yekê weke karê zarokatiyê dibînim. Ji ber di mijarên Erdogan weke pirsgirêk dibîne de em helwesteke demokratîk nîşan didin, divê di şûna van pêkanînan de ji me re spas bike. Vegereke çêkere ku heyet ji nû ve ji aliyê BDP û HDP’ê ve tê diyarkirin. “Onder diyar kir ku heyeta ji niha û pê ve biçe Îmraliyê dê ji Bûldan, Balûken û wî pêk were, lê belê timî kesekê were guhertin. Onder anî ziman ku mijara girtiyên nexweş beşa herî girîng a hevdîtinan bû û got, “Ji ber pirsgirêka girtiyên nexweş, nerazî bû. Xwest ku ev pirsgirêk were çareserkirin.”
Pêvajo li ser ‘pira siradê’ dimeşe!
Parlementer Sirri Sureya Onder ragihand ku Ocalan gotiye, “pêvajo dewam dike, lê belê li ser pira siratê ye” û hişyarî daye ku pêvajo xwedî rîskane û ev gotinên Ocalan ragihand: “Ji bo meşandina vê, em vîneke gelekî mezin nîşan didin. Ez hînê li pişt danezana Newrozê me lê eger şibandinek were kirin; em li ser pira siratê dimeşin. Em bi tena serê xwe jî bimînin, biryardarin ku vê bimeşînin. Lê belê ji ber ku em li ser pira siratê ne, ne diyare ka kiyê bikeve, kiyê bimîne.”Onder anî ziman ku di hevdîtinê de nêzîkatiya hikûmetê ya li “pêvajoya çareseriyê” hatiye rexnekirin û got, “Nêzîkatiya hikûmetê gelekî kêm dibîne. Sedema vê kêmasiyê jî weke tinebûna bingehekê dibîne.”
‘Bingeheke qanûnî divê’
Onder da xuyakirin ku Ocalan bi taybetî girîngiyê dide mijara sparteya qanûnî û anî ziman ku Ocalan gotiye, “Niha hûn, em, yên vekişiyane, her kes, dewlet jî di nav de her kes li gorî mewzûata heyî gunehan dikin. Kêmasiyên girîng ên pêvajoyê hene. Ya yekemîn; Xwedî bingeh û sparteyeke qanûnî nîne. ‘Taliyê ev mirov çûn, çawa çûn ewê bi wî rengî vegerin. Divê ew vegerin û siyasetê bikin. Siparteyeke qanûnî ji bo pêvajoyê şerte.”
Onder kêmasiya duyemîn a ji aliyê Ocalan de hat destnîşankirin jî wiha rave kir: “Dixwaze êdî derfetên wî yên ragihandinê bên berfirehkirin, hêzên demokrasiyê bi awayekî li pêvajoyê were zêdekirin. Ji ber nebûna sererastirineke bi vî rengî, vê weke kêmasiya duyemîn a girîng dibîne. Çapemeniya derve û hundir, endamên her partiyên siyasî yên di Komîsyona Çareseriyê ya li Meclîsê, heyetek ji Mirovên Aqilmend, zanyar, siyasetmedar jimart û dibêje, ‘Divê ez karibim bi van re hevdîtinê bikim, ku bendewariyên ji muzakereyan bicih bînim an jî karibim karê xwe bikim.”
‘Erdogan nikare bûyeran rast analîz bike’
Onder diyar kir ku Ocalan di dema hevdîtinê de rexne li hikûmeta AKP’ê kir û wiha got: Hikûmet bûyer û pêşketinên navxweyî û herêmî nikare rast bixwîne, nikare rast analîz bike. Hemû şêwirmened, musteşarên wî bên gel hev nikarin nirxandineke rast û çêker bikin, nikarin baş pêvajoya herêmî û welêt bixwînin. Heyeta tê em hevdîtinê dikin cuda ye.Navgîna dewletê ya derveyî vê heyetê nikare herêm û welat rast bixwîne. Lewma Serokwezîr jî şaşwaz dikin. Ji ber hikûmetê pêşketinên hundir û herêmê baş nexwendiye dest bi lêkirina Dîwarê Şermê kiriye û gotiye, “Eger rast bixwendibûna, di şûna lêkirina dîwar an danîna sînorê nû de wê li rê û rêbazên rakirina sînorê heyî bigeriya. Dê di vî warî de seferber bibûna, rizgariya wan jî bi vî vrengî ye.”
Ji bo wekheviya tam hevserokatî
Sirri Sureyya Onder ragihand ku Ocalan di mijara hilbijartinên herêmî de jî li ser bingeha siyaseta demokratîk nirxandin kiriye û ev gotinên Ocalan anî ziman: “Mijara Hevserokatiyê jî, emê hînî vî welatî bikin. Dê ev welat hîn bibe, divê hîn bibe ku ev yek ji bo wekheviya jin û mêr, ji bo çareseriya pirsgirêkê çiqasî girîng e. Kotaya jinê bi vî halê xwe, di vê astê de feraseteke paşdemayî ye. Em wekheviya tam, bi hevserokatiyê re wekheviya tam pêk tînin.” Onder diyar kiriye ku Ocalan ji Hevserokê HDP’ê Ertûgrûl Kurkçu re hêviya xwe ya başbûnê aniye ziman û got, “Birêz Ocalan çarçoveya Hevserokê me Kurkuçu di kongreyê de destnîşan kir, gelekî rast dît. Silavên xwe ji hemû pêkhateyan re şand. Got, ‘Ev gava destpêkê ye, divê vê veguherînin bezekê.” Ocalan ji ber wefata Merîh Pîrhasan hevsera Vedat Turkalî jê re sersaxî xwest û got, “Ji Vedat Turkalî re temenekî dirêj, xwedî tenduristiyeke baş xwest û silavên xwe yê taybet jê re şand.”
ANF/ENQERE