Hemseraka DBPê Amedî Seval Gulmez babetê persgirikê mintiqa, qezencê cenîyan ser o qise kerd. Seval Gulmez aşkera kerd ke kongre de lomeyê şarî vejîyayî ver û wina vat: “Şar wazeno Kurd yew bibî, welatêko azad de cuye bikê. Ma zî sey şarê xo wazenî heqîqetê xo de cuya bikê, ma seba waştişê şarî caardişî rê berpirsîyarê girewt ser xo. Ma do her tim têkoşîn bidê.”
Rolê DBPî kan o
Gulmez dest nîşan kerd ke ê wazenî ke cuyêka bi hembar awan bikê û wina domna: “Ma do mintiqa de sewbî partîyan reyde pêvînayişan bikê û seba demokrasî xebat bikê. Eke ma wazenî pîya biciwî ganî şorişê zîhnîyetî bêro viraştiş. Ma peynîya têkoşînê bi serran qezencê hemserekîye kerd, çew nêeşkeno sey lutuf nîşan bido. Ma do her cayî de îradeya xo nîşan bidê. Tecrîdêko Birêz Ocalan ser yeno şuxilnayiş, heme şaran hîs kenê. Ma do yewîyeya xo zî awan bikê.”
JINNEWS/AMED