Bajarê Riha de seba ke bale biancê çalakîyanê grevê vêşanîye, merdimanê hepsîyan vernîya Zîndanê Tîpa Tyî yê Riha de çalakîya roniştişî da destpêkerdene. Parlamentera HDPyî ya Riha Ayşe Surucu zî çalakîye de cayê xo girewt.
Herçiqas ke leşkeran mudaxaleyê çalakîya roniştişî kerd zî, çalakwanî çalakîya xo domnenî. Dayîkê ke çalakîya roniştişî dayî destpêkerdene, hetê leşkeran ra girîyayî abluqa. Parlamentere Surucu reaksîyon nîşanê rewşa abluqa daye.
Fermandarê leşkeran çalakwanan tehdît kerd û va ‘şima merdiman bikar anî, tîya de kom bîyayîş qedexe yo. Eke şima reyna bêrî ma zanî se kenî’. Wextê çalakîye de destûr nêdîya dayîkê ke şîyî pêvînayîşê domananê xo, bivejyî teber.
MA / RIHA