Her çiqas AKP qandê mîtînganê xo heme îmkananê dewlet seferber kena jî, nêşena meydanan pir bikirê. Kurdistanijê bi îstifakerdina nêrazîbiyayin mûsnenê siyasetê AKPê û tewrê HDP benê. Qezayê Riha Pirsûs de jî, AKP ra îstifa û ravêrdinê HDP estbi.Keyeyanê Erdogan, Kiliçaslan, Kalkan, Şahîn û Boydan ê bi serrana qandê AKP xeftiyaybî, AKP ra aviriyay. Bi hezaran ferdê keyeyanê Kiliçaslan, Kalkan, Şahîn û Boydan verî bi wesîleyê tewrbiyayinê HDP jew şiyayiş jî viraşt.
Bado jî, rayverê keyeyayanê Erdogan, Kiliçaslan, Kalkan, Şahîn û Boydan şî buroyê weçînayin ê HDP û tewrbiyayinê xo ê HDP eşkere kerd. Namzed û parlementerê HDP ê Riha Îbrahîm Ayhan qandê tewrbiyayinî kêfweşînê xo ard ziwan û kesê hewna qandê AKP xeftiyenê ra wast ki, riyê rastîn ê AKP bivînê û ageyrê keyeyê.
Batman de jî, keyeyê Maladîna ra jî, nezdiyê 300 kesî, jew kombiyayişa tewrê HDP bî.Rayveranê keyeyê Maladîna ra Selahattîn Alpahan qisey kerd û vat ki, AKP bi serana vatenanê aştî, birayin û demokrasî ê xapeynayê û wina dewam kerd: Siyasetê AKP ê Kobanê, bi sebeb ma riyê rastîn ê AKP bivînê. AKP vera Kobanê, desteg da DAIŞ. Enê siyasetî ser, ma hinî AKP ra aviriyayê û nika ra tepiya mayê HDP miyan de ca bigirê.
Qezayê Bêşîrî ra jî, xebera aviryayinê AKP ra û tewribiyayinê HDP amê.Bêşîrî de eşîrê Alîka ê ki, bi serrana qandê AKP xeftiyayê, qerarê AKP ra aviryayin eşkere kerd.Rayveranê eşîrê Alîka ra Davut Apaydin ê 2 finî serokînê AKP ê Beşîr kerd vat ki, siyasetê AKP ma eciz kerdê. Ma nika ra tpiya, HDP miyan de ca bigirê.
ÊLIH/RIHA