Kurdî bi saya qehremananê xo ewro ser lingan de yê û saya înan de dûştê hende hêriş û qetlîaman hewna (hîna) zî cuya xo domnenî. Kurdî xo bi qehremanîya înan miqate kenî. Nê qehremanan ra jew zî fermandarê gird Mahsûn Korkmaz o. Şarê kurd û Hereketa Serbestî serragêra şehadeta ci de Egîd’î vîr anê. 

Kurdî 27 serranê peynî de zî verê dewletanê kapîtalîstan vindertî û nêwaştî ke dewletê ke wazenê kurdan biqedênî bikûrê şarî mîyan. Vera Dehaqan kom bîyî û şer kerdî. 

Hinî bîyo ke kurdî hetanî ke kardî nêresayo esteyê ci, qarişê kesan nêbîyî. No semedî ra zaf bi sebirî. Nîşanê xoverdayîşî yê tewr peynî ya vera Dehaqan 15 Tebax’a 1984 de Dihê û Şemzînan de, hêrişê bi tifingî ya PKK ke bi rayverîna fermandarê gird Egîdî de, dûştê qereqolî amebi kerdiş o. No çalakî dûştê Dehaqanê Tirkîye bi û tarîxa PKK de hêrîşo sifteyin o. Her hetî ra çalakiyeke bi serkewte bi. Hetanî verê ney tayn kesan PKK şinasnay, la pey ra zaf kesan şinasna û kurdan mîyan de roj bi roj PKK gird bi. No serva PKK çîyekê zaf muhîm bi. Toximê kurdan rayna kuwe kerd. Şewa 15 Tebaxa 1984 saet 21:30 hêrîşê Dihê û Şemzînanî qabê PKK û şarê kurd zey mîlat o. Tarîxê kurdan de ze ney kuwebîyişî ma şikyenê Kawa û Dehaqî finak bidî.  


Toximê kurdewarey erziya

Kapîtalîstî wazenî dinya de heme kesan bigîrî lepanê xo mîyan. Qabê (serva) ke ney bikerê zî quwetê xo yê tarî vistnenê dewre û kaykerdişê senaryoyan tê danê. Kapîtalîsteya postmodel tewr zaf Rojhelatê Mîyanê de cirît erzenê ke kurdan tim binê tesîrê xo de veradê. Xoverdayişê kurdan hema hema her serre bîyê. La zafêreya înan têk şîyê. Verê 28 serran, toximê kurdewarey ame eştiş. Çimê kurdan, dişmen vînayê û zey kula sîya, dişmenê kurdan ra tersayî û delê dişmenî her tim teqayî. Her roj kurdan quwetê xo şinasna, gird kerd, aw da û hîna weş eysa. Dawa ya xo hetanî ewro ardî. Rayîrê aştî û aramîya şaran de gamanê erjayî û teqez eştî û erzenê. 


Her xoverdayişî de rihê 15ê Tebax esto

Rayvistişê ke 28 serran têkoşîn dabi û şarê ke binê erdî ra veto, PKK yo. Zey ke roj bivejyo û kurdî zî herra xo ya nimite ra bi awdayîş û rojî zîl da bo, gird bî û boya vilikanê xo da heme şaranê ke dinya de zilm vînenê ra, PKK bi omidekê gird. Delê şaranê xerîban de zî ca kerd û her ser hêza xo hîna zî, mohr kerd. Rayîrê Zap’î fermandarê gird Egîd’î ra ravêra bi û resabi roja xo. Ewro zî rayîrê 15’ê Tebax’î yê Egîdî resayo asta berz û pawitişê xo û şarê xo keno. 

Ma ewnîyenê dîroka kurdan bi serewedartişan ravêrayo. Yê ke bênameyî yê zî zaf zaf ê. Her se bîyo û şîyo kurdî nêqedîyayê, xo ver dayê û teslîmîyetî qebûl nêkerdê. Ney zî quwetekê zaf gird dayo kurdan û înan resnayo hetanê no demî. Her xoverdayîşê ke biyê de, rihê 15’ê Tebaxî esto.


Hewteya Qehremanî 

    Wexto ke merdim nê teslîmnebîyayîşî û ser lingan de mendişî ewnîyeno xoverdayîş û bedeldayîşê girdan vîneno. Sereyê de Fermandar Egîd û embazê bînî seba ke mezgo ke sey qereqolî hişê kurdan de hetê dewletan ra ameyo ronayîş bişiknî, ked û xebatê înan xeylê virazyayo. No semedî ra hewteya qehremanî zî bi ked û bedelê Fermandar Egîd û embazanê bînan virazya. Eyro Cizîr, Sûr, Nisêbîn, Gever, Şirnex û sewbîna cayan de ruhê nê qehremanan cuyeno û pey xendek û barîqatan de ciwananê kurdan rê sey çilayêke roşnî keno. Ciwanê kurdî sey çime, xo bi ruhê nê qehremanan miqate kenî.  


15’ê Tebaxe ganîbîyişê kurdan o

Destpêka heme çîyan zehmet o û goreyê xo zehmetîyê ci estî. Verê çalakîya Dihê, goreyê kesê ke cûyayî vanê, zaf zehmet bi. La badê Dihê ra PKK şarê kurd mîyan de bawerîya xo, serkewtişê xo mohr kerd. Şarî mîyan de bi vindertişê xo û bi qerarê (birê) xo kewt mezgê kurdan û ciwanan mîyan. Rolê fermandarê çalakîya Dihê Egîd zî tîya de zaf stratejîk û muhîm bi. Egîd’î zana ke ‘mase sere ra boy dano’ û goreyê nay nêverda ke boy bikewo maseyî û weye kerd. Bi vindertişê xo şar ewnîya ke PKK zey ke televîzyonanê tirkan de yeno vatiş, nîyo. Eksê medyaya tirk PKK qabê şarê kurd û şaranê bindestan xebat keno û Egîd zî goreyê nê xêzan xo ta dano û nêverdano ke hêzê kurdan qels bibo. 

Kurdî 15’ê Tebax’î ra can gênê. Mezopotamya dîroka xo de bîyo qela xoverdayîşî. Bi hêrîşê Dihê ke bi fermandarîya Egîd’î de viraziya, ,kurdî newe ra kuwe bî. Bi nay ra aysiya ke kurdî reyna ra ganî (zindî) biye û kes bi kurdan nêşeno. Bi na çalakî fermandarê efsanewî yê kurdan, Egîd’î mohra xo da dinya ro.


Mahsum Korkmaz kam o?

Fermandar Egîd (Mahsum Korkmaz) qezaya Amed Farqîn de ame bi dinya. Egîd domanî (qeçekî) ya xo de bi malbatê xo koçê Êlîhî keno. 1976 de hereketa Apo’yijan, yanê PKK şinasneno. Mîyanê qadroyanê sifteyin, yê ke Lubnan’î de perwerde vînaybî ra yo.  Hemleya 15’ê Tebax 1984’î rê rayverîn kerd.  Şarî mîyan de sey qehremanê ewsanewî, û bi exlaqo weş, bi edalet, bi jêhatiya xo yeno şinasnayîş. Mahsum Korkmaz 28’ê Adar’a 1986 de Gabarî de şehîd kewt. PKK nameyê Mahsun Korkmaz’î da kampa ke Lubnan de heta serranê 90’î zey akademî abiyaybî ro û ewro nameyê bi hezaran domananê kurd Egîd o.  


 NAVENDÊ XEBERAN 





Egîd’î xeta gerîlla xelq kerd


Fermandarê Hemleya 15ê Tebax’î  Mahsum Korkmaz (Egîd) serrgêra 30. yê şehadetê xo ke sey Hewteyê Qehremanî yeno zanayîş, xeylê sûk û qezayan de yeno vîrardiş. 

Embazanê Egîd’î ra Sadun Suruç ke fermandarê Quwetanê Pawitişê Şarî (HPG) yo ser vîrardişê Egîdî de qalî kerd.Fermandar Suruç’î hayr ant ser Hewteyê Qehremanî (21-28’ê Adare) û wina verdewam kerd: “Qehreman şexsîyetê dîrokî yî ke pawitişê komelî şexsê xo de danî cuyayîş. Şexsê ke bi çalakîyê xo yê dîrokî têkoşînê azadî ya şaran de bîyî sembol, bi no hawa seba komelî benî xetê cuye. Xoverdayîşê qehremanî yê dijî rejîmê dagîrker dormeyê no xoverdayîşî de beno newe ra xelqbîyîşê komelî. Xoverdayîşê zindanê Amedî de şexsê xoverdayîşê Mazlum Dogan de roja xoverdayîşê dîrokî bi Roşanê Newroze agêra cewherê xo û manayeke sîyasî girewt. Şexsê embazê Egîd de zî mîyanê komelî de ser bingeyê azadî xetêko newe ya lejkerî û raybazê gerîlla vejya werte.”


Wayîrê cuyêke cewherî bi 

Suruç ard ziwan ke o Egîdî serra 1979 de şinasnayo û wina domna: “Heremê Êlihî vindertişê şorişgerî yê Egîdî, nêzdbîyîyayîşê ci yê Rayberî û şarê kurdî, bi çalakgerîya ci û fermandarîya ci şinasnayo. Egîd wayîrê cuyêke cewherî û zerrînizm bî. Zaf şarê xo ra hes kerd, zirarêkî wirdêlek daxî seba şarî qebul nêkerd. Her qalîkerdişê xo, her têgêrayîşê xo û her çalakîya xo hesab kerdênê û wina game eştênê. Wexto ke çalakîya Dihê viraştênê vatê; Ey Dihê, heta niha kesî nameyê to nêeşnawito, la do siba heme dinya ser to qalî bikero”. 


‘Pey mi de Egîd esto’

Suruç destnîşan kerd ke PKK rihêko hembar o û wina va: “Eke  yew ca de PKKyijo ke zirar bivîno û PKKyijo ke bîn no zirarî hîs bikero û verpers bido, o çax no rihê hembar temsîl keno. Embazê Egîd yew zî embazê tewr zaf na raştî temsîl keno yo. Coka Kemal Pîr vano; ‘Çimê min pey de nêmanenî, çimkî pey min de Mahsum Korkmaz esto.” 


 ANF/BEHDÎNAN