Taxê Lalebey û Alîpaşa yê qezaya Amed Sûrî de vizêr çarçoveyê projeyê hikûmet ya “Vurnayîşê Sûk”î de wesayîtê karî ke bi polîsan kewtî taxan dest bi rijnayîşî kerdî. Nêrazîbîyayîşê Sûrijan rameno.
Dişmena Kurdan AKP, vizêr Sûr de dest bi rijnayîşî kerd. Xêlê taxê Sûr ke wextê “Qedexeyê vejyayîşê kuçeyan” de amey rijnayîş ra dima, nika zî taxê Lalebey û Alîpaşa yê Sûrî yenê rijnayîş. Sûrijê ke bi rojano vera na qerarî de xover danê, rijnayîşî rê nêrazîbîyayîşî damûsnay.
Rixmê nêrazîbîyayîşê Sûrijan kepçeyî bi dorpêçê polîsan de kewtî taxan. Sermîyanê dewlet û hikûmete no aşmêko Sûrijan bi birnayîşê aw û ceyranî tehdît kenê û zextê taxijan kenê ke taxan veng bikerê.
AMED