Komeleya Kultur û Hetkarîya Dewa Topallarî ya girêdayeyê qezaya Kamîlava ya Sêwazî, seba zîyar û dîyaranê Dêrsimî zîyaret bikero, turêk organîze kerd. Komeleye zîyar û dîyaran gêraye û qurban da.
Serekê Komele Umît Şahînî derheqê amancê zîyaretê xo de qisey kerd û dîyar kerd ke ê zî sey dêrsimijan eynî dejî cuyenî. Şahînî da zanayene ke ê zîyaranê Duzgun Baba û Muzir Baba zîyaret kerdî û îbadetê xo kerdî.
Şahînî vera îlanbîyayîşê wareyê madenî de reaksîyon nîşan da û qiseykerdişê xo wina domna: “Dêrsim yeno manaya ma, ma zî yeno manaya Dêrsimî. Bawerîya ma yew a. Dêrsim hetê rindîyanê tebîî ra cayêko zaf weş o. Labelê cayê nê rindîyan seba rantî wareyê madenî ameyo îlankerdene û hewl dîyeno ke nê rindîyî bêrî çinkerdene. Ganî ma vera nînan de têkoşîn bidî.”
PÎRHA/DÊRSIM