Badê ke mabênê Tirkîya û Rûsya de krîz ame cuyayîş, Rûsya qerarê kêmîkerdişê îthalatan da û cok ra sektorê mehsulan xeylê zerar dî. Sektorê vilikan yê Antalya ra tewr zêde Rûsya herînayîşan kerdêne. Berardoxê vilikan polîtîkayan ver tesîr bîyî û hetê ekonomî de zehmetîyan ancenî. Bi tonan vilikî berê gumrukî de rizîyayî.
Babete ser o wayîrê fîrmaya Ulaşî Şukru Arikanî ke qisey kerd qala zerarê berardoxan kerd û va: “20 serrî yo mi rewşêka winasî nêdî. Polîtîkayê Tirkîya û Rûsya ver ma nêeşkenî îxracat bikerî. Seba ke vilikî destê ma de mendî, ma înan eşt çop. Ma nêeşkenê meaşê karkeran daxî bidî.”
Karê dewlete bac o
Wayîrê fîrma Şukru Arikanî vist vîrî ke ‘rewşa heme citkaran yew a’ û qiseyanê xo wina qedêna: “Eke serra bêro wina bibo ma do nêeşkî bixebetî. Tirkîya de erje nêdîyena kitab û vilikan. Tirkîya de manaya berardişî çin a, tena rijnayîş û çinkerdiş esto.”
DÎHABER/ANTALYA