Qeza Qilabana Şirnexî dewa Roboskî de bi bombeyê teyarêy tirkan 34 domanêy Roboskîyî ke semedê nanê xo bivejê ra şîbîy kar bikerêy dabîy topan ver û qirkerdişeke gird viraştbîy. Ey rojan ra heta ney rajan malbatêy domanan her hewte şinê mezelan ser û veng danêy ke edelatî pawenêy û geyrenêy. No hewta 176’in o ke yenêy mezelan ser û vengê derdê xo qîray û bi nameyê hemeyan Vahît Oncu vat: “Soma de qetilkarêy kedkaran AKP ya. Ziwanê ma cuyayişê ma yo. Lazimo ke lejkereyî ra hesap bêro persayiş ke boça hesabî do belî bibo ke reseno çicayî. Heta ke edalet meyro mado vengê xo bivejêy.”
‘Fikrê 12 Îlonî dewam o’
Uncu dewamîya qiseyê xo de ard ziwan ke hewna zî mezgê 12 îlonî dewam keno û vat: “Bi hawayê akerde ewro AKP zey dewra 12 îlonî zext û zordarî ma şaran ser de vila kena. Zey polîtîka Kenan Evrenî AKP zî eynî karî kena. Çînêbîyiş û merdişê Evrenî ferqeke sîyasetî de nêviraşto. Rayîra Everenî de îqtîdar şopyayişê xo dewam keno.”
‘Ma soma nêdenêy vîrkerdiş’
Dazanayişî de Encu Ferînaz Xosrawanî ra zî qise kerd û ard vîr ke xoverdayişê Mahabatî ke verbê kultirê tecawizkarîya Îranî de mojna ra û Ferînaz Xosrewanî ra vîr ard û silafanêy xo şirawitîy.
Herî peynî de qala qirkerdişê Somayî kerd û vat: “Tam serreke verî Soma de 301 kedkarîy amey qirkerdiş. Ma do Soma zî medê vîrakerdiş û hesabê ey zî her tim bipersêy. Jana înan ze ewro dilê ma de yo.
DÎHA/ŞIRNEX