Wexta ke kamîya ya esas, kurdî îna lete-lete bo azade û fermî nîbo, roja taybet se bikêro. Maalesef na roj de şaro kurd pîrozkerdişî kurdî îna zerrşikite vîyarneno. Kurd zerrşikiteyo la kurd zano, pêro sîruşî ey, xo ver ro dayenê ziwanê ra yo…Vano “ziwanê min rumetî min o”. Kurd her wext pê kurdî weşhalo, sarrberzo.
Tabî ke emserr zî sey serra bînan, bi munasebeta roja “ziwanê dayike” Kurdistan de tewrîn çalakî û karîgerî do bivirazî. Na roj de sey min, her kurd bi hîse neteweyî rewşe kurdî ra, tekîlîya kurdî û statû ra, tekîlîya kurdî û komelî ra, sîyasetî ziwanê ra, standartîze kerdişî ziwan û zaravayan kurdî ra do behs bikêrî. Gelek roşnvîrî kurd do na roj de bi hîse neteweyî dewlemendîya ziwanê kurdî ra û averberdîşî ziwan ra do behs bikerê. Sazî û rayberî şarê kurd na roj de balî raya cîhanê do biancî verê kurdî. Kurd çend bi na roj xo anceno hesab zî roja ziwanê dayikê Kurdistan de bi coş firaze bena.
Oxro, na roj de hîna zedê rewşa kurdî yena nirxnayiş. Na roj de îdrako kurdî, qabe xemla kurdî, kona mîyanê lebat. Na xebat de pera peynî kurd êdî zanenê wexta kurdî vînî bo, kurd qerekterî xo, qerekterê neteweyê xo vînî keno. Mileta ey, kurd çînê bena. Kurd êdî nêwazeno neslî ey bibo ereb, tirk û faris. Kurd wazeno êdî temamî meylî xo bido zonê xo, ferî zonê xo bibo. Kurd zano ziwanê ey, mukemel yew ziwan o, heger tutanî xo bi ziwanê xo perwerde nêkero se keso bi qedr, keso gird teşkîl nêbeno. Kurd êdî zano, kurd pê ziwanê kurdî perwerde nêbibo, nêbeno yew şexsîyeto bi erj û pîl. Wexta ziwano kurdî çînî bo, kurd zî çîn î. Şarê kurd rastîya xo vîneno.
Netîce de na hewcetî bîya hasil. No hefte de tena ne, gera her kurd goreyê qutretî xo, qabe kurdî çare ragero. Wa na roj de tena ne, wa her roj vîra ma, vîna ma kurdî bibo polîtîkaya esas. Ayera 21 Sibat roja ziwanê dayikê ya cîhane, qabî kurdî zî roja xêyrîn a. Roja weçîn û bi feyde ya. No rid ra, kurd na roj de pê vatenanî kultur, muzîk, edebîyatî xo tîkenê bibo bi keys, dawagerî kurdî bo. Tam roja ke her kurd, dayika kurd, nuştox, hunermend û wejenasan kurd yad bikêro a roja. Kî xulase; meseleya kurd esasî xo de meselaya kurdî ya. Her talebî kurd pera peynî bi kurdî serî xo geno. Dawa KCK vîrî ma de ya. Sîyasîyên ma, qabe kurdî xo îfade, bi serran bedel da. Israr û bêîtîatî kerd. Çimkî kurdî sîyasî yew mesele bî… Kurd wexta kurdî wayer bo, dawa xo rê zî beno wayer.
Hemserekî Kongreya Komeleya Demokratîk (KCD) Xetîp Dîcle no derhek de nerîna tevgera azad îna ano ziwan. Vano “Aşma verêçilê 2014 de lijneya Pêroyî ya Kongreya Komele Demokratîk, yew qeraro mihîm girewt. Sernameyê no qerar. Wa bajar û bajarokanê ma de kamîya Kurdistanî newe havil bo” bi. Sîyasî, demokratîk yew qerar bi. Û amibi ferzkerdiş no qerar gera 21 Sibatê 2015 roja ziwanê dayikê de despêbikêro. Amiwaştiş hemê şarêdare KCD, hemê sîyasî partîyên Kurdistanî rexistinên însîyetîfa sîvîl, rexistinên girsey a demokratîk û şarî ma destêk bido na karîgêrî.