Tirkîya de bi hezaran keyeyî krîzê ekonomîk û betalî ver binê sînorê vêşanî de cuyenî. Nînan ra yewe zî Mustafa Saato ke qezaya Buldanî ya Denîzlî de bi arêdayîşê eşteyan debara keyeyê xo keno yo. Saatî babete ser o wina va: “Ma rewşêka rezîle de cuyenî û bi nano wişk debara xo kenî. Ez debara xo bi arêdayîşê eşteyan kena. Ez roje de tewr zêde 20-30 kîlo eşte arê dana û kîloyê xurdayî 9 TLyî ra yo. Mi 2 reyan wextê arêdayîşê eşteyan de krîzê zerrîye derbaz kerd û ez tersena ke rojêk do ez bimira û xebera ti kesî ti ra nêbo. 3 domanê mi wanenî û seba ke pereyê mi çinêbî, mi nêşîna ez lajê xo bierşawa unîversîte. Wexto ke ez şona dezgehanê berpirsîyaran, muameleyêko xirab nîşanê ma danî. Ez veng dana selahîyetdaran yê ke rewşa înan sey min a, zaf î. Wa seba dîyayîşê karî hetkarîye bidî mi û yê ke rewşa înan sey min a.”
DENÎZLÎ