Rojnamevanê Fransî, Lebrujah piştî karekî 5 salan, pirtûka bi navê “Di şerê navxweyî yê Sûriyeyê de fêhmkirina Rojava” amade kir. Lebrujah dibêje, armanca wî eşkerekirina rastiya li Rojava ye. Li gorî nûçeya di ANF´ê de bi mohra rojnamevan Maxime Azadî derçûye, rojnamevanê Fransî Raphael Lebrujah di pirtûka ji weşanxaneya Croquantê weşandî de qala konfederalîzma demokratîk, çavdêriyên xwe, metirsî, aliyên erênî û kêmasiyan û helbet qala projeya Rojava bi temamî kiriye. Nivîskar ji ANF´ê re gotiye, “Min hewl da fêhm bikim bê bi vî şerî re çi tê nixumandin. Piştre min dest bi lêkolînê kir û di encamê de ez bi konfederalîzma demokratîk hisiyam.” Tehlûkeya qirrkirinê li dijî Kurdan heye [caption id="attachment_138294" align="alignright" width="448"] ANF Images[/caption] Lebrujah dibêje, li gorî Rojava di nava civaka Fransayê de pirsgirêkên demokratîk zêdetir in: “Dixwazim vê yekê bibêjim; di nava civaka Fransayê û rêxistinên siyasî yên Fransayê de, ji pirsgirêkên li Rojava bêhtir pirsgirêkên demokratîk hene. Sermeselê; komên ser bi fraksiyonên Kurd ên muxalefetê li otorîteyên li Rojava dikin, sala 2013’an rê li ber tevdanekê vekirin. Lê belê heta kêliya dawî bêyî dilopek xwîn birije, pêşî lê hate girtin. Bi şertê destberdana ji vê hewldanê, hemû hatin berdan. Heger ev li Fransayê bibûya û hikûmet desthilatdariyeke çepgir jî bûya, wê bi salan ceza li van kesan bihata birrîn. Li Sûriyeyê ku şîdet timî lê giran dibe, di nava şert û mercên şerê navxweyî de li Rojava rêz ji mafên mirovan re tê girtin. Li vê herêmê xwedîderketina li dewleteke hiqûqê jî rewşeke bêhempa ye.” Li gorî Lebrujah îşaret bi helwêstên dewleta Tirk ên pêşîgirtina li projeya Rojava dike û dibêje, tehlûkeya qirrkirina Kurdan bi destê dewleta Tirk bi qasî qirrkirina Ermenan mezin e. NAVENDA NÛÇEYAN