Sûkanê şoreşî Rojawayê Kurdistanî de zî vizêr Newroz bi slogana “Ma bi Rihê Newroza Vakûrê Sûrîyeya Federal, xoverdayîşê Kurdistan selamî kenê” bimbarek bî.
Kobanê ra heta Qomişlo, Efrîn, Dêrîk, Hesekê, Amûdê, Dirbesiyê, Serêkaniyê ra heta Heleb û Şam bi des hezaran kesan waştena azadî qîr kerdî. Cinîye ke bi kincanê xo yê gelerî tewrê bimbarekînan bî hayr antî.
Newroza Kobanê Girê Mîştenûr de bi wekerdişê Adirê Newrozî start girewt û bi coşeke gird heta seatanê verşanî dewam kerd. Qamişlo de zî bi hezaran kes dewa Himo de amey têlet û Newroz bimbarek kerdî.
Serêkaniyê, Efrîn û pêrokîn bimbarekînanê Rojawa de şarî bi rihê şoreşî xoverdayîşê çehar leteyanê Kurdistanî selamî kerd û mesajê xoverdayîşî day. Şam û Heleb de zî bimbarekînî virazîyay.
NAVENDÊ XEBERAN