ŞÎNDA EKREM/YARA MIHEMED / ANHA/QAMIŞLO
Şarê Kurdistanî bi serran vera polîtîkayê asîmîlasyon û înkarî de mendê, zaf dîktatorî waştî Kurdan bi temamî çin bikê la Kurdî qet têkoşînî ra fek veranêdayê. Sey Melayê Cizîrî, Feqî Teyran, Ehmedê Xanî, Mîr Celadet Bedirxan, Nûredîn Zaza, Osman Sebrî, Cegerxwîn û Miserî Xan Xisroy kultur û ziwanê Kurdî nê rojan resnayî.
Serra 2012 de bi Şorişê Rojawanî, bi Kurdî perwerde ame dayiş, seba averberdişê ziwanî Sazîya Ziwanê Kurdî ame awankerdiş. Ronayoxa Sazîya Ziwanê Kurdî Gulê Hesen persgirikanî ke cuyaye ser o qise kerd. Gulê Hesen vat ke bi Şorişê Rojawanî ziwanê Kurdî bi vateyê akademîk newe ra welidya, sazî ra girêda bajaranê Surîyeya Rojhelat û Vakûrî de seba musnayişê Kurdî zaf bi merkez ameyî akerdiş.
Gulê Hesen wina vat: “Sazîya ma demê peynî seba resnayişê mamosteyê Kurdî û meteryalê dersî ser o xebatanê xo ra lez da. Bi têkoşînî Kurdî nika hetê Erebkî wendegehan de ziwanê fermî yo. Çi heyfo ke verê hêrişê Dewleta Tirkî 19 hezar wendekar û 2 hezar 225 wendegeh estbî, nika hêrişan ser o Serêkaniyê, Girê Spî û Til Temir de perwerde ra maben ame dayiş. Çi zî bibo seba pawiyayişê ziwanê xo ma têkoşînê xo aver bibê.”