Çalakîya bi nameyê ‘Ocalanî rê azadîye’ ya ke 25ê Hezîran a 2012î ra nata bajarê Strasbourgî yê Fransa de verê awanîya Konseyê Ewropa de dewam kena, çalakîya tewr demderge ya heta nikayî ya.
Kurdê bajaranê cîyayan ê Ewropa ra her roje bi dore nobete dewr gênê. Nobetdarê nê hewteyî zî grûba 4 kesan a bajarê Berlînî ya Almanya ya. Kurdistanijanê bi nameyê Îbrahîm Ozsûlar, Serhat Xinisî, Xelîl Çîçek û Zûhatî mîyanê grûbe de ca girewt.
Îbrahîm Ozsûlarî bi nameyê grûbe qisey kerd û da zanayene ke nobeta ke nizdê 7 serrî yo seba azadîya Ocalanî dewam kena, heta bireso amancê xo do dewam bikero. Ozsûlarî bale ante serê rojeyê mergî û grevanê vêşanîye yê bêdem-bêagêrayîşan ê hemverê tecrîdkerdişê Ocalanî û va ‘tena rojeva Kurdan ganî xoverdayîşê vera tecrîdî de bo’.
Çalakwananê ke roja Yewşemeyî nobete dewr girewte do hemeyê hewteyî de çalakîya xo bidomnê. Çalakwanî derheqê vînayîş û cuya Ocalanî de vilawekan vila kenê û sohbet kenê.
ANF / STRASBOURG