Nayî ra dima, emegdarê çapemenîya azad kewtî hereket û alternatîfê xo ronenê. Gurekarî zerreyê şert û mercanê giranî de hewl danê ke raştîyan deşîfre bikerê.
Çarçoveyê nî hewldayenan de gurekaranê çapemenîya azad dest bi weşana rojnameyekê newî kerdî. Rojnameyê Rojeva Medya vizêr resya destê wendoxan.Rojnameyo ke pêroyîya ci bi kurdkî yo, vizêr bi manşeta 'Xezeba Firatê girdêr bena’ vejîya, raştê eleqeyekê gird ame.
Seba kirmanckî 2 rîpelî
Rojeva Medya, 2 rîpelê xo seba kirmanckî abirna. Rîpelê cinî, xebere, cîhan, polîtîka, rojawan, kultur û forum rojname de ca gênê.
Rojeva Medya, rojnameyekê Kurdistanijî yo. Qewimyayişê Kurdistan, Rojhelatê Mîyanî û dinya do bi ziwanê kurdkî biresno wendoxan. Edîtorê rojname bi nuşteyeke „WELATÊ MEDYA RÊ SELAM“ akerdişê rojname pêrokîn wendoxan rê bimbarek kerd.