Rejîmê Îranî çend rojî verê 3 ciwanê kurdî îdam kerdî û Koyê de hêrişê mewzîyanê HDK-Î û HDKyî kerdî. Netîceyê hêrişî de 15 kesî merdî û 40 kesî zî birîndar bîyî. Vera îdam û qetlîyamî de şarê Rojhelatê Kurditanî vizêr serê sibayî dest bi boykotêko pêroyî kerd.
Şar dikan û cayê xo yê karî nêakerd, vejîya ziqaqan û polîtîkayanê qetilkaran yê rejîmê Îranî protesto kerd. Esnaf û merkezê bazar û tîcaretî zî beşdarê boykotî bîyî û kar nêkerdî. Sere de Sine, Merîwan, Kamyaran, Bane, Urmîye, Serdeşt, Pîranşar, Mehabad, Bokan, Şino û xeylê merkezanê bînan de çalakîya boykotî ameye kerdene.
Dêsan ser o ‘Boykoto pêroyî esto’ ame nuştene û goreyê melumatê ke ameyî girewtene, hêzê îstîxbaratî yê rejîmê Îranî cilê sîvîlan xoradanî û ziqaqan de hewl danî têmîyanîye bivejî. Nê kesî hewl danî boykotê şarî bişiknî. Reyna ame dîyayene ke rejîmê Îranî tayê nuqtayan de lezîya înternetî kêmî kerda.
ROJNEWS / SILÊMANÎ