Xoverdayişê tarixî ê Sûr roja 52. de ramena. 52 rojiyo dewleta Tirk serva-qandê ke Sûr teslîm bigîro, pêrokîn quwetê xo seferber kerdê. Tew peynî de, quwetê tewr taybet ‘Bordo Bere’yî zî rişnay Sûr. Hetê ra bi tanq, top û wesaîtanê zirxî û hetê ra zî bi quwetanê taybet êrişan kena. Eynî wext de helîkopterî zî hewa ra tewrê êrişan benê. Vera nê heme êrişan, şarê Sûr bi rayverîna YPS dano xover.
YPS veriya didi rojan darbeyê girdî day quwetanê dewleta Tirk ro. Peyniyê çalakiya YPS de xeylê tîmê taybetî kişiyay û xeylê ci zî bî dirbetinî. Vizêr zî, qeza de vengê teqînayiş û tifîngan berz bî û prodayişan dewam kerdî. Vera kuçeyê Karadenîz û taxa Hasirli, tanqan ra topî û guleyê bombeeştox erziyay.
Cizîra Botan 40 rojî pey xo de terna
Qezaya Şirnex Cizîr zî 40 rojê bi ablûqa û terorî pey xo de virada. Dewleta kiştox tewr peynî de 2 sivîlê bînî kiştî û xeylê kesî kerdî dirbetinî. Vizêr seatanê şan de, tîmanê teybet êrişê ceniyê ke şî Helîn Oncu ya dirbetin bigîrê kerdî. Zereyê ceniyan de hemseroka Meclîsê şarî Asya Yuksel zî esta.
Dewleta Tirk, a ke nêşena şarî teslîm bigîro, êrişanê zaf hetin ramena. Vizêr nê perey zî fina êrişê welatijan kerd. Peyniyê êrişî de xeylê welatijî bî dirbetinî. Kesê dirbetî badê hewldayenanê rayveranê HDP, hewadiyay nêweşxane. La mixabin dirbetinan ra azayê Meclîsa Şaredariya Cizîr Abdulhamît Poçal û welatijê bi nameyê Selman Erdogan weşînê xo kerdî vinî. Dirbetinan ra Zinar Demîr zî, nêweşxane ra hetê çeteyanê AKP ra girotiya binê çim. Vizêr sodir de zî ceniya genc ya bi nameyê Helîn Oncu, netîceyê sereştişanê qûwetanê Tirk bî dirbetin.
Welatê xo terk nêkeme
Quwetanê dewletê tirk pê topan tifingana 37 rojî eşt Silopî ser. Komkiştenana piya keyeyî û ceyê gureyî rijyay û ti ra zaf çî zî diziyay. Rixmê piyerê kerdenanê dewleta AKP şarê Silopî xover da û wayrê xorayverînan veciya. Sîlopî de vizêr cenazeyê 2 qeçekanê bi nameyê Reşît Eren û Axîn Kanat, bin ablûqayê polîsanê herekatê taybet de amey definkerdiş. Cenazeyê hurdiyan bi rojan erdî de mendî.
Milê xo çewt nêkeme
Esnafê Sîlopî derheqê terora 37 rojî de qal kerd. Esnafan vist vîrî ke, rexme pêrokîn êriş û zorvajiyan, ê welatê xo terk nêkenê û wayrê xorayverînan vejyenê. Esnafan ra Haci Omer sereştişan rê hêrsê xo arde zûn û vat: Şarê Silopî verva komkiştenan yo xoverdayişê xurt da. Sur, Cizîr û Silopî de biyayişê ke ame cuwuyayene, cayê ci ne Îslamiyet de, ne zî merdimatî de esto.Ozer’î hayr ant kiştişê ceniyan, qijan û îşkenceyê vera cenazeyan ser û ard ziwan ke, hiquqê lejî de çiyê winayîn çinyo. Ozer’î va, se kenê, wa bikerê, ma milê xo verê înan de çewt nêkenê. Esnafê bi nameyê Hasan Bozdag zî aşkere kerd ke, dewlet çi destê ci ra yeno, wa bikero û va, ma welathe xo terk nêkenê, wayirê erdê xo vejyenê, heta peynî xover danê.
Heto bîn ra, Şirnex de zî, vera terora dewlet, bi nameyê ‘Şehîd Fatma’ YPS-Jin roniya.
NAVENDÊ XEBERAN