Ma pey xorayverînan de yê
Azayê ‘Yeni Demokrat Gençlik’ Fatîh Atayolu’yî vist vîrî ke, xorayverînî kesî lete nêkenê û aşkere kerd ke îye de meclîsê gencan de desteg bidê xoserî. Atayolu’yî aşkere kerd ke, xoza de eke kamcî ganî raştê şîdet bîro, do bi xopawitiş cewab bido û vist vîrî ke, Kurdistan de xopawitişe gencanê Kurd heqdaro, rewa yo. Fatîh Atayolu’yî ard ziwan ke, ê pey xorayverînan de yê.
Xendekî sîgortayê şaranê
Azayê ‘Devrimci Parti’ Şîlan Turgut da zonayene ke, xendekî sîgortayê şaranê Kurdistan’îyê. Turgut vist vîrî ke, pey xendekan de cuyayişê newî yeno ronayene. Turgut ronayişê YPS silamî kerd û va, “adiro ke, Kurdistan de vistra ci, do tiya de zî çirûsk bido destcikerdiş.
‘Wa her ca de YPS roniyo’
Azayê ‘Halk Evleri’ Umit Ezgî zî diyar kerd ke, verra dewleta ke doman û ceniyan qetil kena, xendekî rewa yê. Verra nê qetlîaman, bedelê ci çi beno wa bibo, ma paşt danê xendekan. Ezgî da zonayene ke, xendekî gune tenya Kurdistan de nê, Rojawa de zî bîrê kiniten û wina va: Gune herkes ebi sî-kemer, ebi çuwe paşt bido xoverdayişê Kurdistan. Ê bombeyî, dê jû roj biresê ma zî. Nayî ra gune YPS her ca de bîro ronayene, gune herkes pawitenê xo bigîro.
Ganî sûkanê Tirkiye de zî xendekî bikinîye
Gurekarê ‘Koz Gazetesi’ Engîn Gurbuz’î zî aşkere kerd ke, xorayverînî modelê ameyino ke omid dano yo. Xorayverîn waştişê rewa yo. Ma paşt danê tekoşînê şarê ke Kurdistan de xover danê. Gurbuz’î serva tekoşînê xorayverînî, hewcedariyê meclîsanê gencan ard ziwan.
Heqê kesî çinyo vajê ‘şima çima xendekan kinenê’
Engîn Gurbuz’î va, “eke ganê tayînan teweno û serva pawitiş xendekan kinenê se, heqê kesî çinyo ke vajo şima çima xendekan kinenê”. Gurbuz’î waşt ke Tirkiye de zî yekîneyê YPS bîrê ronayene.
DÎHA/STENBOL