Bi boneya salvegera şehadeta Fermandar Rûstem Cûdî welatiyên bajarê Serekaniyê, Dirbesiyê, Qamişlo, Amûde, Heseke,Til Temir û Zirgan li goristana Şehîd Rûstem merasîmek li darxistin.
Bi keda şehîdan em gihaştin vê astê
Şandeyek ji Rêveberiya Xweseriya Demokratîk, Serokê Meclisa Rêveber ê Kantona Cizîrê Ebdulkerîm Saroxan û bi hezaran welatî amade bûn.
YPG`ê Reşîd Dirbesiyê li ser gora Rûstem Cûdî ji gel re axivî û wiha got : “Em bi hewldayîn û keda şehîd Rûstem û hemû şehîdan gihîştin vê pêvajoyê. Fermandar Rûstem Cûdî li ser fikir û felsefeya Rêber APO têkoşiya.”
Endamê Desteya Rêveber a Tevgera Civaka Demokatîk (TEV-DEM) Ismaîl Dêrik axivî û got şervanên Fermandar Rûstem Cûdî bajar û herêmên Rojava ji çeteyên DAIŞ`ê rizgarkirin. Her wiha Serokê Meclisa Rêveber ê Kantona Cizîrê Ebdulkerîm Saroxan diyar kir ku ew ê têbikoşin heyanî li Rojhilata Navîn demokrasî pêşbikeve û Rêberê Gelê Kurd Abdullah Ocalan azad bibe.
Rûstem Cûdî cotmeha 2011’an di encama bombebarankirina artêşa Tirk a herêma Xakûrke de şehîd bû.
ANHA / DIRBESIYÊ