Doza 177 hemwelatîyê ke cêrzemînê Cizîrî de ameyî qetilkerdiş û doza Dr. Serdar Kunîyî ke qetilkerdişî de birînê birîndaran tedawî kerdêne de nameyê şahido nimite vîyareno.
14ê Adara 2015 de qezaya Cizîrî ya Şirnex de qedexeyê tebervejîyayîşî ameybî îlankerdiş. Netîceyê xoverdayîş û şerê taxe de 177 hemwelatîyî cêrzemînan de ameybî qetilkerdiş. Dozgerîya Cizîrî heta nika derheqê 28 dosyayan de qerarê bêtaqîbî daya û derheqê xeylê dosyayan de zî ti cigêrayîşan nêkerda. Parlamentera Partîya Demokratîke ya Şaran (HDP) Aycan Îrmeze seba ke derheqê şahido nimite yê bi nameyê ‘Vatan’î de malumat bigîro, Wezîrê Karê Zereyî Suleyman Soyluyî rê pers pers kerde. Babete ser o Parlamentera HDPyî Aycan Îrmeze qisey kerde.
No kes kam o?
Îrmeze qiseykerdişê xo de wina va: “Qerarê bêtaqîbî bi îfadeyê şahido nimite yê bi nameyê ‘Vatan’î de yenê dayîş. Doza Dr. Serdar Kunîyo ke gureyê xo kerdêne û birînê birandaran pîştêne de zî nameyê nê kesî dozan de sey şahid yeno nawitiş.” Persê ke ameyî perskerdiş zî wina yî: “Doza Dr. Kunî û 177 hemwelatîyan de nameyê nê kesî vîyareno. Gelo no kes raştî zî esto? Ya zî no kes 83 rojan Cizîr de mendo?” Gelo no kes 83 rojan bîyo şahidê heme hedîseyan? Gelo no kes beşdarê heme operasyonanê Cizîrî bîyo û wezîfedarê dewlete yo? Nameyê şahido nimite çira û kamcîn şertan de ci rê ameyo dayîş?
ŞÛJIN/ANQARA