Şahîya ke hetê Komîtaya Înstîtutê Ziwan û Kulturê Kirmancî (ÎKK-e.V.) ra amaybî organîze kerdene, dorbere 250 kesî beşdar bî. Kirmancan teba nas û dostanê xo, şahîye bi coş û heyecanêde gird vîyarnê ra.
Bi eşq, bi coş, bi kêfweşîye
Amancê Komîtaya IKK a Berlînî, a bîye ke wa însanî pêro-pîya bêrenê têlewe de, têkişte de, têdest de, bi dostênî, bi huyayiş, bi eşq, bi coş û bi kêfweşîye şahîya kulturî derbaz bikerênê, xora hênî kî bî. Bi nê heyecan û eleqeyê miletê ma ê kirmancî re kî Komîtaya ÎKK zaf kêfweş bîye.
Şahîya Kulturê Kirmancan, bi rengê zonê kirmanckî û bi rengê muzikê kirmanckî, yane bi reng û vengê Zele Mele û rêyena bi reng û vengê ensturmananê gruba êy vêrdera. Kirmancan kî bi na wesîle şahîyede bi rengê ziwan û kulturê xo şahîyede zaf rind û delale derbaz kerde.
Grûba Zele Mele vejîya sehne
Şahîyê saate 19:00 de bi kilmek qesey kerdena serekê Înstîtutî Lerzan Jandîlî dest kerd bi ci û bi muzîkê Gruba Zele Mele heyanî nême şewe dewam kerd.
Na Şahîya Kulturê Kirmancan, bi fedakarî û kedê komîtaya ÎKK organîze bîbî. No semed ra serekê Înstîtutî Lerzan Jandîlî, kî seba na xizmete, fedakarî û kedî komîtaya ÎKK re sipas kerd û aye ra dime kî hunermendo hêca Zele Mele û hevalanê êy re, nas û dostan pêroyîne rê zaf sipas kerd.
WUSÊNÊ GESTEMERDE/BERLÎN