MURAT KUSEYRÎ ANF/STOCKHOLM Gelê xwecihî yê Skandînavî Samî dibêjin Swêd û Fînlandiya ku ziman û çanda wan qedexe kiribû û polîtîkaya asîmîlasyonê li ser wan kirî tenê lêborînê bixwazin têrê nake û dibêjin divê ev du dewlet bi rabirduya xwe ya nijadperest re hevrû bibin. Samî, di nav Yekîtiya Ewrûpayê de tekane gelê xwecihî bû, li herêma Laponya ya bakurê Skandinavya bû û xaka wan ji hêla Norwêç, Swêd û Fînlandiya ve hatî dagirkirin, dixwazin neheqiya ku bi sedan sal in li wan hatiye kirin were qebûlkirin û rastkirin. Heta destpêka salên 1970’yî Fînlandiya û Swêd li ser Samiyan nîqaşên nijadperest domandin. Serê salên 1900’î Samî li baxçeyên heywanan û sîrkên Ewrûpayê hatin nîşandan. Kirin ku zarokên Samî li dibistanan Swêdî û Fînî hîn bibin. Axaftina bi zimanê wan li wan hate qedexekirin. Petra Laîtî demeke dirêj Seroktiya Souma Samî Nuorat (Komeleya Samiyên Ciwan a Fînlandiya) kir.  Ji bo ku Fînlandiya bi rabirdûya xwe re hevrû bibe ji bo avakirina ‘’Komîsyona Rastiyan û Lihevkirinê’ têkoşiya. Laîtî ku niha Alîkara Wezîra Karê Navxwe Marîs Ohîsalo ye, ji rojnameya HBL’ê re ku li Fînlandiya diweşe, der barê daxwaz û fikarên Samiyan daxuyanî da. Laîtî got, divê Swêd û Finlandiya bi raboriyê re bêne rûhev.