Şandeya PYD'ê ku ji Zohat Kobanê, Xalid îsa, Sîpan Ibrahîm, Arya Îsa, Fîdan Dijwar, Hesen Resûl, Meyada Şêxê, Zinar Elî, Fewaz Eyo, Meha Mihemed, Hewas Bekdaş, Sîhanok Dîbo, û rojnemevan Newaf Xelîl pêk dihat ku ji Ewrûpayê hatiye Rojavayê Kurdistnê çû serdana navendên Meclîsa Rêveber û Meclîsa Zagosaz ên Herêma Cizîrê ku li bajarê Amûdê ne. Şandeyê serdana sazî, rêxistin civaka sivîl ên Rojava kirin.

Di dema ku şande çû serdana Navenda Meclîsa Rêveber ji aliyê Serokê Meclîsê Ekrem Hiso, herdu cîgirên wî Hisên El-Ezam û Elîzabêt Gewriyê, Serokê Desteya Têkiliyên Derve Salih Gedo û herdu cîgirên wî Emîne Osê û Xedîce Ibrahîm û Nûnerên Meclîsa Rêveber Ebduselam Ehmed û Ciwan Mihemed, hate pêşwazîkirin. Li vir Zohat Kobanê derbarê rewşa Rojava û îlankirina Rêveberiya Xweseriya Demokratîk axivî û Rêveberiya Xweser li Kurd, Ereb, Suryan û Asûriyên herêmê pîroz kir. Serokê Meclîsa Rêveber Ekrem Hiso derbarê serdana şandeya PYD'ê kêfxweşiya xwe anî ziman.
Şande çû serdana navenda Meclîsa Zagonsaz û ji aliyê Hevserkên meclîsê Hekem Xelo û Nezîra Gewriyê û Endamên Dîwana Meclîsê Perwîn Mihemed û Ekrem Mehşûş hate pêşwazîkirin. di serdanê de ji bo biserketina Rêveberiya Xweseriya Demokratîk pêwîstiya hevgirtina hemû aliyên li welat û derve û girîngiya pêşxistina vê projeyê li hemû deverên Sûriyê hate ziman. 

AMÛDÊ