Ewro, rojê awakerdişê PKK yo. Ewro, newe ra vejîyayişê Şarê Kurdî yo.

Ewro, roşanê qijê, keynayê, lajê, dayî, baw, pîr û pîrikê Kirdan o.
Ewro, rojê şayî û şadî yo. Ewro, rojê govendê azadî û keyfweşî yo.
Govend bikerê. Govend bikerê. Govend kerdiş zê şitê dayîyê şima helalo.
Helal bo, Şarê Kurdî ra.
Helal bo, keyna û lajê egît yê Şarê Kurdî ra.
Helal bo, dayîyanê şehîdan ra ke, egîdê egîdan ardê dinya.
Ewro, rojê vîrardişê pêro şehîdanê Kurdîstanê yo.
Ewro, rojê ver şehîdanê Kurdîstanê de sere tewînayîş.
Ewro, rojê wayîrvejîyayîşê şehîdanê Kurdîstanê  yo.
Çunkî ayê ke, zerre 40 serrî de dewayê Kurd û Kurdîstan arda no qonaxê şehîdanê Kurdîstanê  yê.
Çunkî ayê ke, na dewa arda no qonaxê şehîdanê zê Heqî Karer, Mazlum Dogan, Xeyrî Durmiş, Mehmet Karasungur, Mahsun Korkmaz, Berîtan û Zîlanê  yê.
PKK,  pê şehîdanê Kurdîstan bîya pîl.  
Seba nayî, PKK ra vanî, “partîya şehîdan”.
Pê şehîdanê PKK û tekoşîna înan, Şarê Kurd cesaret û ruh girewto.
Hina bîyo  ke, herkes şarê Kurd ra vano, “Şarê Serhildanê”. Vano, “Şarê Egît”.
Ewro,  Şarê  Kurd ver pêronê şaran ser berzo.
Ser berzîya Şarê Kurd pê partîya PKK bîyo.
Ser berzbîyayîş,heqê Şarê Kurdo. Şarê Kurd serberz nîbibo, la kam bibo.
Kam wayîrê keynayê û lajê egît yê hina bibo raste rast serberz beno.
Seba nayê ma vanî, 35.sergêre awankerdişê PKK, Şarê Kurd û pêro Şarê Rojhilatê Mîyanên û însanîyet re bimbarek bo.