Lehçeyê kurdî kirmanckî ke eve talokeyê çînbîyayişî ra rî bi rî yo, eve klam û sanikan û eve edebîyato fekkî resya roja ma ya ewroyî. Çike hetê nuştekî ra kirmanckî zaf pey de mendo. Edebîyato fekkî de sanikî wayîrê cayeke hera yê. La Sanikê kirmanckî kî bi vindîbîyayen ra rî bi rî yê.
Sanikker a 63 serrî ya Dersimij Selvî Işik, vist vîrî ke demê ke radyo û televîzyonî çinêbî, taybetî seweta domanan hewn bikerê, sanikî (estanikî) amey vaten. Işik dana zonayen ke sanikê ke zey vacvacokê (kayvate) amey vaten tayê ci dergî û tayê ci zî kilmekî bî. Selvî Işik ana ser zon ke rexmo ke tayî sanikî bi seatan dergî bî, la goşdaritoxan bê ke eciz bibê goşdarey kerdî.
Doman eve sanikan pîl bikerime
Işik aşkere kerd ke rîwalo ke sanikî nika nînê vaten û nînê goşdarîkerden hetê vindîbîyayenî sonê. sanikker Selvî Işik ke waşt sanikî bîrê pawiten peynî de nîya va: “Ma wazenê domanê ma û tornê ma kî eve nî sanikan pîl bibê û zonê xo bimusne. Ma wazenê iyê kî bimuse û doman û tornanê xo ra vajerê.
DÎHABER / DERSIM