Qezaya Edremîtî ya Wanî de cinîyê ke taxa Tuşba û Newe de cuyenî aşmêk o ke rastê hêrişanê camêrdan yenî. Cinîya ke nêwaşte ke nameyê xo bida, qala tacîzê cinî û domanan kerde.
Cinîye qala dîyayîşê ê kesî kerde û wina va: “Hetê şanî de ez şîyêne keyeyê xo. Wesayît xafil de ame mi het. Mîyanê wesayîtî de vengê hovnayêne ameyêne. Wesayît ra xafil de camêrdêko zit vejîya. Ez tersaya û vazdaya keye. Tersan ver mi plakayê wesayîtî nêdî. Mi cîrananê xo rê qala qewimîyayîşî kerd. Ê zî vatî ‘no qewimîyayîş ameyo sereyê ma zî’. Ti kes nêşinasnayo ke o kes kam o.” Şarê taxe dest bi girewtişê nobete kerdî. Cinîyî seba ke vanê; Ma zanê ke eke ma gerre bikerî, do gerreyî bênetîce bimanî. Bawerîya ma bi polîs û edaletî çin a, cok ra ma heta nika muracatê înan nêkerdo.
ŞÛJIN / WAN