Rojanê peyênan de îdarekarê Tirkîya bêmaben vera Efrînî de gefan wenî û hewl danî Efrînî dagîr bikerî. Bitaybetî zî badê ke şerwanê HSDyî Reqa de çeteyanê DAIŞî têk benî, Tirkîya kewta hewldayîşanê winasîyan mîyan. Vera nêyî de cinîyê Rojawanî yê Kantonê Efrîn, Kobanê û Cizîrî qisey kerdî û reaksîyonê xo nîşan dayî.
Ma hêrişan ra nêtersenî
Sûad Heso (Efrîn): Ma sey cinîyî êzidî, ewro vera hêrişan de vengê xo berz kenî. Ma heme dinya rê estena xo îspat kenî. Ma hêrişan ra nêtersenî. Ma vera her tewir êrişan de amade yî. Ê nêeşkenî îradeyê ma bişiknî û serkewtiş yê ma yo.
Asîya Ebdo: Ma do sey cinî, doman, ciwan û extîyarî xover bidî û seba doza xo têkoşîn bidî. Sey cinî ma xo seba welatê xo, xo feda bikerî.
Xezal Şêx Mûsa: Çimê dewleta tirk bar nêbeno ke şarê Efrînî azad bicuyo. Şarê Efrînî hêrişanê înan ra nêterseno û wayîrê hêz û îrade yo. Ma do heta peynî pey hêzê xo de bibî.
Şerîfe Mihemede: Ma pawitişê xo yo cewherî kenî. Dewleta tirk se bikero zî nêşêna sînorî derbaz bikera. Ma do planê înan têk bîşêrî. Ma do no erd ser de bimirî.
Şar fek herra xo ra veranêdano
Endama Partîya Yewîya Demokratîke Gulistan Xelefe (Til Temir):
Hedefê yewin yê hêrişan têkberdişê projeyê Federalîya Vakurê Sûrîye yo. Şar azadîya xo girewto bin temînatî. Wa Tirkîya fek kayanê xirabinan ra vera bido. Wa Erdogan baş bizano ke şar fek herra xo ra veranêdano.
Îdarekara Rêxistina Kongreya Star Sara Xelîle (Kobanê): Dewleta tirk wazena heyfê DAIŞî bigîra. Bi topanê giranan hêrişê Efrîn û Şehba kena. Hêrişê Efrînî do bêro manaya hêrişê heme Kurdistanî ser de. Eke tena cinîyan rê bimano daxî, ma do Efrînî bipawî.
ROJAWA/ŞÛJIN