9ê êlule de Meclîsê Leşkerî yê Dêra Zorî Hemleya Firtineyê Cizîrî dabî destpêkerdiş û nika hemle de merhaleyo peyên yeno cuyayîş. Çarçewaya hemle de rojhelat de heta sînorê Iraqî ame rizgarkerdiş.
Cayo ke ame rizgarkerdiş de pakkerdişê mayînan ra dima nika şar agêreno. Badê ke şar agêra, lazimîyê şarî hetê şerwanan ra yenî temînkerdiş.
Babete ser o Verfekê Hemleya Firtineyê Cizîrî Lîlwa Ebdullaha ke şarî zîyaret kena û problemanê şarî goşdarî kena, qisey kerde. Zafaneyê şarî mexdurîyet û zulmê DAIŞî vano. Cinîyî tena wazenî keyeyê xo de bi hawayo bêters bicuyî.
Eleqeyê şarî anceno
Lîlwa Ebdullahe dîyar kerde ke hemle ra dima do meclîs hîra bibo û komun û meclîsê herême bêrî awankerdiş. Hetêk ra zimistan yeno. Ma mîyanê şarî de gêrenî û lazimîyanê şarî tespît kenî. Ma hetêk ra zî modelê Sûrîyeya Vakurî şarî ra vanî. Şar êdî êdî demokrasî şinasnenî û vatişanê ma ra heyecanin benî. Xobixo îdarekerdiş weşê şarî şono û eleqeyê şarî anceno."
ANF/DÊRA ZOR