Di taxa Asarlika Menemen a Îzmîrî de welatijê kurd seba ke CHPî ra ray nêdayî, no ser şaredarîya Îzmîrî xizmet na taxê nêbena. Şaredarê Menemenê Tahîr Şahîn taxijan ra aşkera vato ke: “Eke cayeke HDPî ra rayê nêvejîyeno, ez noca ra yew mix daxî nêkuwena.”
Dema DEHAPê
Taxijan dîyar kerdî ke ganî şaredar fek no nêzdîbîyîşê xo ra vera bido. Welatijê kurd Veysî Candemîr destnîşan kerd ke di dema DEHAPî de şaredarî tewr weş xizmet daynê taxê û hetta Parqa Bariş û Demokrasîyê zî şaredarîya DEHAPî no demî viraştbî.
Candemîr ciresna ke taxê Menemen ra giredayiş ra pey êdî şaredarî dest pê xizmetnêdayiş kerd û wina dewam kerd: “Taybetê şaredar Tahîr Şahîn qet taxê ma ra xizmet nêkena. Bi ameyişê weçînayişî tena cayeke ray CHPî ra vejîyayo, no cayan ra şaredarî xizmet bena. Çi heyfo ke taxeke kurdan cuyena, şaredarî xizmet nêbena. Pergala kanalîzasyonê taxê rijyayo. Heme cayê Menemen ra xizmet est o la tena Asarlik ra çin o. Şaredarîya CHPî bi aşkera cidatî kena.”
DÎHA/ÎZMÎR