Biryaran ra tikey kar kerd, zafêr kar nêkerdîy. Semedo ke ziwanê kurdî avera bişêro bi hawayeke fermî Şaredarîya Gird a Amedî biryara komxebata ziwanê kurdî girot û kombîyayişê xo yê sifte 9.2.2015 de bonê şaredarîyî de viraşt. Qirarên muhîm girotîy.

Şaredarîya Gird a Amedî semedo ke xebatkarêy ci bi kurdî qise bikerêy û bi kurdî binuşnê ra şartêla enerjîya fermî daweriznayişî. Binê kontrola Mamoste Şerîf Derînce de kombîyayişa fermî ame viraştiş. Aramanca kombîyayişî ra yew zî semedê ziwanê kurdî Şaredarîya Gird û şaredarîyê kurdan de avera bişêrê ra xebatan geş bikerê yo. No raya sifteyin o ke şaredarîyê kurdan de kombîyayişeke fermî ya semedê kurdî avera bişêro ame viraştiş. 


Her daîreyî ra beşdar bîy

Dildarêy ziwanê kurdî ra 27 xebatkarê Şaredarîya Girdî beşdar bîy. Goreya Derînceyî ard ziwan, bi hawayê fermî şaredareyî ra nuştey şirawîyayo Serekê Daîreyan û wazîyayo ke her daîre xo mîyan de dildareke ziwanê kurdî bieşrawo kombîyayişî. Kombîyayişî de her daîreyî ra kesê an zî di kesîy beşdarê kombîyayişî bîy.  

Kombîyayişî de muhîmeya ziwanê kurdî ra kirmanckî / zazakî û kurmancî ser de ame vindertiş û bi lilmkî niqaşî amey viraştiş. Kesêy ziwanî ser de bi dildarî beşdarê kombîyayişî bîy, daîreya xo de zey berpirsîyarê ziwanî amey namekerdiş. Kar û barê ziwanî ney ra pey înan ser de bi hawayê fermî do bêro romnayiş. 

Kombîyayişî de tikey biryarêy dem kilmin û dem dergine ser de vindertîy. Nêy bi kilmî wina amey vatiş. 


Biryarêy dem kilmine

• Anketa onlîne demeke kilmî de gere xebatkarîy pir bikerê

• Ney ra pey her keso ke beşdarê kombîyayişî bîy daîreya xo de berpisîyarê ziwanê kurdî (kirmankî û kurmancî) yê.

• Ney ra pey semedo ke xebatkarî bi kurdî qise bikerêy xebatîy bêrêy weşkerdişî ra plan û projeyan ser de gere xebat bêrê viraştiş.

• Bin banê şaredarîyî de xebatêy ziwanî yê ke virazyenêy qels êy, semedo ke hewna geş bibêy ra xebatîy do bêrêy geşkerdiş.

• Her berpirsîyarê kurdî ê daîreyî semedê stiratejîya ziwanê kurdî avera biberê ra rapora xo ya ziwanî gere binuşnê.

• Berpirsîyarî şikyenêy tabelayê odeyan yê bi tirkî biaçarnê kurdî û darda bikerêy.

• Berpirsîyarî ney ra pey do bişikyê derheqê ziwanê kurdî de daîreya xo de bi xebatkaran de kombiyayiş bikerêy. 


Xebatêy ke do bêrêy viraştiş

• Semedo ke hemeyê xebatkarêy şaredarîyê kurdan perwerda bi kurdî bivînê ra xebatîy do bêrê viraştiş. Semedê perwerdehî do bi KURDÎ-DERî de bêro qisekerdiş.

• Heta 4 serran yanê heta serra 2019’î lazimo ke heme şaredarêy kurdan bi rojane û amayişî de karêy xo de bi kurdî qise bikerêy, bi kurdî binusnê ra lazimo ke xebatan bikerêy. 


 EHMEDÊ BIRA/AMED