Qezayanê zey Sûr, Cizîr, Sîlopî, Nisêbîn û cayanê bîn de, bi hefte, bi aşmano ablûqa û êrişanê dewleta Tirk ramenê. Bi seyan welatijî amey kişten û bi hezaran kes zî keyeyê xo ra bî. Şaredariya Dersim, seweta welatijê ke, bin ablûqa de xoverdanê kampanya yardim da destcikerdiş. Malzemeyê hewce yê ke amey are kerdin, ebi jû TIR serva şarê Sûr, Cizîr û Sîlopî, rusiyay Amed.
Kampanya ramena
Yardimê ke amey are kerdin, hetê yardimkarê Hemşaredarê Dersim Îbrahîm Kasûn, Huseyîn Tûnç, û gurekaranê şaredarî ra piya, hetê welatijan barê TIR bî. Îbrahîm Kasûn’î derheqê kampanya de zonayişî day û vist vîrî ke, şarê Dersim leyê şarê ke xover danê de ro. Nayî ra kampanya amê destcikerdiş. Kasûn da zonayene ke, sazgeh û welatijê sûk, bi rihê seferberî wayrê kampanya vejiyay. Kasûm ard zon ke, kampanya neyra tepya zî dewam kena. Herzewbîn sazgeh û welatijan ra waşt ke, yardimanê xo dewam bikerê û teslîmê bana xîzmet yê şaredarî bikerê.
DÎHA/DERSIM