Her demserra welatî wayîrê reng û taybetmendîyanê cîya cîyayan a. Nika zî payîz ame û darê meyweyanê ke wisari bi vilanê xo şênatîye da derûdor, nika zî eynî rindekîye û weşîye bi meyweyanê xo danê. Wan de hema hema vere her keyeyî de saye zimistanî ramitîye. Bi restena sayanê zimistanî darî bîyî reng bi reng.
Darê sayêrî hesad danê
Bi serdbîyayena eyamî, meyweyî û sewzeyî zî hinî restî wextê resayîşî. Wan de saye zimistanî yê ke ereyî resenê xeylê zafe û sayerî reng bi reng xemelîye. Sayerî wisarî bi akerdena vilan derûdor kene şên û payîzî zî bi restena meyweyan reyna eynî renginîye fine rê çiman ver û bi tamê xo zî şarê herême rê benê werdêko weş. Wan de vere her keyeyî de saye zimistanî estê û nê sayî hetê ekonomîyî ra zî şarê herême rê benê desteg.
WAN