Kaya ‘Li Rawestgehê Sê Ezezok’ ke Festîvalê Tîyatro de ame kaykerdiş do reyna 11-12ê Gulane de bêro kaykerdiş. Domanan kaye ra zaf kêf kerdî û keyeyan da zanayîş ke ganî kayê ke semedê averşîyayîşê kulturê Kurdan zêde bibê.
Tîyatro yê Bajarê Amedî kaya domanan ke bi Kurdî ya û bi nameyê ‘Li Rawestgehê Sê Ezezok’ Festîvalê Tîyatroyê Amedî de kay kerde, kaye eleqeyê ke girs dî û do mabêne 11-12ê Gulane de reyna kay bikero. Kay hetê Ozer Tunca ra amî nuştiş û hetê Ruknettîn Gunî ra zî derhênerîyê ci ame kerdiş. Kayî de têkilîyê hîrê tolazê ke hêvîya otobuse yê 24an yeno qalîkerdiş.
Kaye hem hetê domanan ra û hem zî keyeyan ra eleqeyêke pîl dî. Keyeyan dîyar kerd ke qeyûmî şaredarîyan xesp kerdê, salonê ke tîyatroyê Kurdî kenê ameyî padayîş û vatî ke wazenê heskerdoxê tîyatroyî bê salon verdê.
Şahîde Îpeke dîyar kerde ke no çî dewamê polî tîka yê ke teda ser ziwan û kulturê Kurdan o. Dimayê ke qeyûm sazgehê Kurdan rê ame tayînkerdiş, cayê kulturî ameyî padayîş û no çî zî qirkerdişê kulturî yo.
Aktîvîteyê hunerî ganî zêde bê
Emel Ozsucu zî ard ziwan ke goreyê xeylê merdimê ke Tirkîya de yê wayîrbîyayîşê kultur î tena cuya ke bi kultur û adetê tirkî yena cuyayîş zanê û nê çî zî nêzdîbîyayîşê polîtîkayê ke nîjadperestîyê ke vera Kurdan o. Emele da zanayîş ke semedo ke lajê aye çekdar bi ziwanê xo kilaman vajo, Aram Tîgran de derse girewtêne la dimayê qayûmî êdî ma keye de derse danê ci la cayê ci nêgîno. Taybetî semedê domanan ma wazenê aktîvîteyê hunerî zêde bê.
Dîcle Îpek û datkêna aye Şevvale zî va, ezezî embaztî xira keno. Rojînda Îpeke zî da zanayîş ke, padayîşê merkezê Kultur û Hunerî yê Cîgerxwînî aye zaf xemgîn kerdo.
ŞÛJIN/AMED